სეზონი 2019
ნადირობის სეზონის გახსნამდე დარჩა:

მინი-ჩატი

კატეგორია
სტატიები ნადირობაზე [53]
სტატიები სანადირო სავარგულების მოწყობა-განვითარებაზე [1]
სტატიები მონადირულ ეთიკაზე [2]
ბრაკონიერობა და შედეგი [4]

სიახლე ფორუმში
განახლებული 6 თემა
ტყის ქათამზე ნადირობა   
Gochahahaპასუხების რაოდენობა: 4059
ნადირობა იხვზე   
jelo888პასუხების რაოდენობა: 6260
ბრაკონიერობის აფიშირებ...   
m@mukaპასუხების რაოდენობა: 152
BROWNING MAXUS   
minchaninპასუხების რაოდენობა: 77
პოინტერი   
irakligvenetadzeპასუხების რაოდენობა: 4156
დავდოთ რა სურათებიც გი...   
vanoarchiპასუხების რაოდენობა: 334

ბოლო კომენტარები

ახალი სტატიები

მუსიკა საიტზე
სხვა სიმღერებს ნადირობაზე იხილავთ ფორუმში.

sape

მთავარი » სტატიები » სტატიები ნადირობაზე » სტატიები ნადირობაზე    

ბრაკონიერობა საქართველოში – მიჩუმათებული პრობლემის სავალალო შედეგები

ბრაკონიერობა საქართველოში – მიჩუმათებული პრობლემის სავალალო შედეგები

06.04.2006
ავტორი ნონა მჭედლიშვილი

რაზე და როგორ ნადირობენ საქართველოში? ტრადიციულ სანადირო სახეობებს განეკუთვნება: ირემი, ჯიხვი, არჩვი, ნიამორი და დათვი,

რომელთა რიცხოვნობამ უკანასკნელი წლების განმავლობაში კატასტროფულად იკლო. ჩლიქოსნების განადგურების გავრცელებულ ფორმებთან ერთად, ხშირია ასევე ვერტმფრენებიდან ავტომატური იარაღით ნადირობაც, როდესაც რიგიანად დახოცილი ცხოველის შეგროვებაც კი ვერ ხდება. საერთოდ კი, გარემოს დაცვის ექსპერტები საქართველოში ბრაკონიერთა რამდენიმე ტიპს გამოყოფენ: ადგილობრივი მონადირეები, ძველი თბილისელი მონადირეები, ახალი ქართველი მონადირეები, მაღალჩინოსნები და მესაზღვრეები. გასაგებ მიზეზთა გამო, განსაკუთრებით დასაგმობი და მოუთმენელი სწორედ მესაზღვრეთა და მაღალჩინოსანთა ბრაკონიერობაა.

საქართველოს სახეობათა კონსერვაციის ცენტრში ბრაკონიერობისა და არალეგალური ნადირობის ამსახველი არაერთი ციფრობრივი და ფაქტობრივი მასალა არსებობს, მათ შორის, მაღალჩინოსნებზეც, რომლებიც საჯარო გამოსვლებში, კერძოდ, პრესისა და ტელევიზიისათვის მიცემულ ინტერვიუებში, არცთუ იშვიათად თავადვე აღიარებენ, რომ ბრაკონიერობას ეწევიან, თუმცა ამას დანაშაულად არ მიიჩნევენ და კიდეც ტრაბახობენ მოკლული ირმებითა თუ ტახებით.

[ირაკლი მაჭარაშვილის ხმა] "ბრაკონიერობასთან დაკავშირებით, იმისდა მიხედვით, რა სიმძიმის დანაშაულია, რა სახეობის მკვლელობასთანა გვაქვს საქმე, არის ეს სახეობა წითელი წიგნის თუ არა, დაცული ტერიტორიის შიგნით ხდება თუ არა, ზარალის ოდენობა რამდენია, სასჯელი შეიძლება იყოს როგორც ადმინისტრაციული, ასევე სისხლის სამართლის. სისხლის სამართლის სასჯელი შეიძლება გულისხმობდეს 4 წლამდე პატიმრობასაც კი." (სტილი დაცულია)

როგორც სახეობათა კონსერვაციის ცენტრის წარმომადგენელი ირაკლი მაჭარაშვილი ამბობს, კანონის სიმკაცრის მიუხედავად, ბრაკონიერობის გამო პრაქტიკულად არავინ ისჯება. ანუ ლიცენზიის გარეშე ნადირობას საზოგადოების უდიდესი უმრავლესობა დანაშაულად არ მიიჩნევს და, შესაბამისად, არც მაკონტროლებლები დგანან მოწოდების სიმაღლეზე. ესაა პრობლემის თავი და თავი. თუმცა ობიექტურობა მოითხოვს აღინიშნოს, რომ გარემოს დაცვის ინსპექციამ ბოლო ხანს უკანონო თევზჭერის რამდენიმე შემთხვევა გამოავლინა. რაც შეეხება ნადირობას, ამბროლაურში, კერძოდ, სახელმწიფო ნაკრძალში, მდინარე რიცეულას ხეობაში, შვლის მოკვლის მოწადინე ხუთი მონადირე დააკავეს და სანადირო თოფები ჩამოართვეს. გავრცელებული ინფორმაციით, თითოეული 800 ლარის ოდენობის თანხით დაჯარიმდა.

საქართველოში ნადირობის წესებს არეგულირებს კანონი „ცხოველთა სამყაროს შესახებ." კანონის თანახმად, ნადირობა დაშვებულია მხოლოდ სპეციალურად გამოყოფილ ტერიტორიებზე, კერძოდ, სამონადირეო მეურნეობებში. სამონადირეო მეურნეობის შექმნის ლიცენზიას საქართველოს გარემოს დაცვის სამინისტრო გასცემს. როგორც სამინისტროში განგვიმარტეს, დღემდე 29 ლიცენზიაა გაცემული, თუმცა რეალურად მხოლოდ ერთი სამონადირეო მეურნეობა შეიქმნა.

[ლევან ბუთხუზის ხმა] "გარემოს დაცვის სამინისტროში უნდა გაიარო უზარმაზარი ბიუროკრატიული აპარატი იმისათვის, რომ სამონადირეო მეურნეობის შექმნის ნებართვა მიიღო. როდესაც მთელ ამ ქაღალდომანიას მორჩები და კაბინეტიდან კაბინეტში ივლის ადამიანი, შემდეგ აუქციონის წესით უნდა იყიდოს ეს ტერიტორია. დაახლოებით 10 000 ჰექტარის სამონადირეო მეურნეობის ყიდვისათვის ადამიანს პირველი საწყისი ფასი აუქციონზე დაუჯდება 100 000 ლარის ოდენობა. ესე იგი მთელ ბიუროკრატიას დაემატა ასეთი ფინანსური ბერკეტი, რომელიც სრულიად არ უწყობს ხელს სამონადირეო მეურნეობების განვითარებას." (სტილი დაცულია)

სახეობათა კონსერვაციის ცენტრ "ნაკრესისა” და მისი გამგეობის თავმჯდომარის ლევან ბუთხუზის ძირითადი მესიჯი სახელმწიფო სტრუქტურებისადმი სამონადირეო მეურნეობის შექმნის პროცედურის გამარტივებაა. მით უფრო, რომ კარგად გამართული სამონადირეო მეურნეობა მოგებას საკმარისად გვიან იძლევა.

მაშინ კი, როცა სამონადირეო მეურნეობები არ არსებობს, ხოლო დაცული ტერიტორიების გარეთ ნადირი პრაქტიკულად განადგურებულია, ბრაკონიერთა სამოქმედო ასპარეზად ნაკრძალები იქცა. ყველაზე სავალალო მდგომარეობაში აღმოჩნდა ირემი, რომელიც, ძირითადად, გარდაბნის აღკვეთილში, ბორჯომ–ხარაგაულის ეროვნულ პარკსა და ლაგოდეხის ნაკრძალშიღა გვხვდება. 2003 წელს "ნაკრესმა” ნაკრძალში მხოლოდ 160 ირემი დათვალა, მაშინ როდესაც 1980 წელს 750 ინდივიდი ირიცხებოდა.

[ვაჟა პავლიაშვილის ხმა]" მეტიც კი იყო. მჭიდრო დასახლება იყო და ნაწილი გასახლდა, ნაწილი... მართლა ბავშვსაც კი, ყველას ეჭირა იარაღი, რა იარაღი არა - ყოველ შემთხვევაში, ჩვენს დამცველებზე კარგი იარაღი - და, თავისთავად ცხადია, ეს უპატრონობა... კაცს კლავდნენ და არავის ეკითხებოდა და ნადირს რომ მოკლავდნენ, რა თქმა უნდა, ეგ იქნებოდა. მაგრამ წარმოიდგინეთ, ამ ხნის მანძილზე შიმშილი ხალხის, უბედურება ხალხის, ეს საზღვრების გახსნა. მაგრამ ისე კატასტროფული მდგომარეობა არ არის, ნორმალურადაა." (სტილი დაცულია)

ლაგოდეხის დაცული ტერიტორია 24 ჰექტარზეა განთავსებული. დაცული ტერიტორიის დირექტორი ვაჟა პავლიაშვილი განმარტავს, რომ ნაკრძალისა და აღკვეთილის მოვლა–პატრონობის საქმეს 21 ადამიანი ემსახურება. მისი თქმით, ნაკრძალში მომხდარ დარღვევებზე არაერთი აქტია შედგენილი, არსებობს სასამართლო საქმეების პრეცედენტიც, თუმცა კანონი მაინც ლმობიერია:

[ვაჟა პავლიაშვილის ხმა] "იარაღი რომ ჩამოვართვათ, ამის უფლება არა გვაქვს. ის საკუთრებაა და შეიძლება იქ წავართვათ იარაღი, მაპატიეთ გამოთქმისთვის და შეიძლება იქიდან გამოვაგდოთ, მაგრამ აქ, დაბლა, რომ ჩამოდის, მაგარი ბიჭი ხდება. ძალაუნებურად მერე სასამართლოც ამას უკან უბრუნებს. ალბათ, ნაკრძალში რო შევა ვიღაცა, რა იარაღიც არ უნდა ჰქონდეს, გინდ ცული, გინდ თოფი, გინდ რაღაც სათევზაო მოწყობილობა, იმას აბსოლუტურად კონფისკაცია უნდა გაუკეთდეს." (სტილი დაცულია)

დაცული ტერიტორიების ფინანსური გაძლიერება, სასამართლო ხელისუფლების მხარდაჭერა, მთავრობის პოლიტიკური ნება და ბრაკონიერობის კრიმინალად აღიარება ის რეკომენდაციებია, რომლითაც არსებული ვითარების გამოსწორება ჯერ კიდევ შესაძლებელია, - მიიჩნევს არასამთავრობო ორგანიზაცია "ნაკრესი”, რომლის მონაცემებით, გადაშენების საფრთხე ემუქრება ჯიხვს, ნიამორს, ირემს, არჩვს, დათვს. არსებული მონაცემებით, ამჟამად საქართველოში 600–მდე დათვიღა შემორჩა. ბრაკონიერობამ კი უკვე შეიწირა სამხრეთ–აღმოსავლეთ ველების მშვენება, ჯეირანი, რომელიც მრავალი წელია საქართველოში სრულიად გადაშენდა.

[ირაკლი შავგულიძის ხმა] "ბრაკონიერობა იყო ერთ–ერთი ყველაზე მთავარი მიზეზი, რომლის გამოც ეს სახეობა საქართველოში გადაშენდა. მეზობელ აზერბაიჯანში ის ჯერ კიდევ არსებობს. შემცირდა ის შემთხვევები, როდესაც ჯეირანი შემოდის აზერბაიჯანიდან, იმიტომ რომ ბოლო ათწლეულების განმავლობაში გზააბნეული ინდივიდი, რომელიც საქართველოს საზღვარს გადმოკვეთდა, უკან უსაფრთხოდ ვეღარ გადადიოდა."

ამბობს "ნაკრესის” კონსერვაციის პროგრამის კოორდინატორი ირაკლი შავგულიძე. მისი თქმით, საქართველოში ადამიანთა მხოლოდ მცირე ჯგუფი ნადირობს კანონით დადგენილი წესებით.

სტატია გადმოტანილია საიტიდან tavisupleba.org



ქართული არასამთავრობო ორგანიზაცია ბრაკონიერობის თემაზე პრესკონფერენციას გამართავს


18:44 | 13/ 03/ 2006

15 მარტს საქართველოს პარლამენტის ბიბლიოთეკაში ქართული არასამთავრობო ორგანიზაცია "საქართველოს სახეობათა კონსერვაციის ცენტრი"  (NACRES) ბრაკონიერობის თემაზე პრესკონფერენციას გამართავს.

როგორც "ახალი ამბები - საქართველოს" ცენტრში აცნობეს, პრესკონფერენციის მიზანია, საზოგადოებას გააცნოს ველური ბუნების დაცვასთან დაკავშირებული პრობლემები. აქვე განიხილავენ საქართველოს ნაკრძალებში ბრაკონიერობასთან ბრძოლის მეთოდებს. ჟურნალისტებს, რომლებიც გარემოს დაცვის საკითხებზე მუშაობენ, აღნიშნული სფეროს სპეციალისტებთან კონსულტაციების მიღების შესაძლებლობა მიეცემათ.

ცენტრის მონაცემებით, ბრაკონიერობა საქართველოში უზარმაზარი ტემპებით იზრდება, რის შედეგადაც ბუნება სერიოზულ ზიანს განიცდის და საფრთხის ქვეშ აყენებს რიგი ველური ცხოველების არსებობას.

"საქართველოს სახეობათა კონსერვაციის ცენტრში" ამტკიცებენ, რომ მურა დათვების რაოდენობა ბოლო სამი წლის მანძილზე ფაქტობრივად ოთხჯერ შემცირდა და დღეისთვის მათი პოპულაცია დაახლოებით 600-ს შეადგენს. NACRES-ის ინფორმაციით, მურა დათვის ტყავი "შავ ბაზარზე" 280-300 აშშ დოლარია. ძირითადად, ბრაკონიერების მიერ მოპოვებული საქონელი თურქეთში, ბულგარეთსა და ჩინეთში გადის.

"ქვეყანაში მზარდმა ბრაკონიერობამ შეიძლება იქამდე მიგვიყვანოს, რომ მომავალ თაობებს ისეთი სახეობების ნახვა, როგორებიცაა ირემი, არჩვი, ნიამორი და ჯიხვი, მხოლოდ ფოტოებზე შეეძლებათ", - ნათქვამია ცენტრის განცხადებაში, რომელიც 7 მარტს გავრცელდა.

დოკუმენტში აღნიშნულია, რომ ბრაკონიერობის პრობლემა დიდწილად ეხება ლაგოდეხის ნაკრძალს, სადაც ირმების რაოდენობა 1990 წლიდან 1450-დან 160-მდე შემცირდა. ჩლიქოსანთა რაოდენობის შემცირების მსგავსი ტემპები სხვა სახეობებშიც შეინიშნება.

"ნაკრძალმა ახლო მომავალში შეიძლება ფუნქცია დაკარგოს, რადგან ის დაცარიელდება, ცხოველების ნახვა კი მხოლოდ ილუსტრაციებზე იქნება შესაძლებელი", - ხაზგასმითაა აღნიშნული განცხადებაში.

სტატია გადმოტანილია საიტიდან newsgeorgia.ge



წყარო:
კატეგორია: სტატიები ნადირობაზე | დაამატა: Admin (06.01.2010)
ნანახია: 3704 | კომენტარი: 11 | ტეგები: – მიჩუმათებული, საქართველოში, ბრაბკონიერობა, სავალალო, პრობლემის, შედეგები | რეიტინგი: 5.0/1

სტატიების გადაბეჭვდისას "წყარო: www.bazieri.ge"-ს მითითება აუცილებელია.

მსგავსი სტატიები
სულ კომენტარები: 11
0   Spam
11 eduard   (03.11.2010 13:08:14)
გარემოს დაცვა ერთჯერადი პარკების შეგროვებიტაა დაკავებული,ზოგჯერ თუ გააკეტებენ ზერელე კომენტარს ნადირობასთან დაკავშირებით...ბრაკონიერობა უნდა აგიკვეტოს გ.დ.ს.მიერ არა სიტყვით არამედ მკაცრი სანქციებით.....

0   Spam
10 goga-0ni   (19.03.2010 00:36:54)
როდესაც ქვეყანასი უსამარტლობა სუფევს, სანამ სასამარტლო მიკერზოვებულია და მარტული სანამდე სოფელს და გლეხს ყურადგება არ მიექცევა რომ დოვლატი სურსატი მოიწიოს რეალიზება გაუკეტოს და ოჯახი არცინოს ბრაკონიერობა არ მოისლება, რადგან ეგრეტ წოდებული ბრაკონიერობიტ არცენს ოჯახს ბევრი გლეხი და ამას ემატება სპორტული ნადირობაც, რის გამოც მარტლაც სავალალო მდგომარეობასია ფლორა და ფეუნა, მოკლედ მდინარე სატავიდან იმგვრევა 25

0   Spam
9 kuzmishi   (02.03.2010 12:05:25)
კიდევ მაგრა იტანს ჩვენი ბუნება.

0   Spam
8 temo-niko13   (22.01.2010 16:57:12)
გ.დ.ი. არასწორად მუშაობს, გაიარონ ღამით და ............. 25 25 25 25

0   Spam
7 Morisi   (18.01.2010 18:36:20)
წესები ყველა მონადირემ უნდა დაიცვას. ნამვილი მონადირე ბუნების გარეშე ვერ იცხოვრებს და ეს ყველა ნამდვილმა მონადირემ იცის და უფრთხილდება ბუნებას და ბუნების ბინადარსაც. მონადირე არ კლავს იმაზე მეტს რაც თვითონ მოხმარებისთვის არის საკმარისი.სახემწიფომ მეტი ყურადღება უნდა მიაქციოს დახვეწოს კანონი. რა თქმა უნდა გაითვალისწინოს მონადირეების აზრი და გასცეს ლიცენზიები ნადირზე სანადიროთ. აკრძალოს ბელების, შვლის ნუკრის და ასე შემდეგ დახოცვა.ასე უფრო მოიკლებს ბრაკონიერობა ეხლა აკრძალულია ლიცენზირება მაგრამ ურო მეტს ხოცავენ და უკან უკან მიდის საქმე. ამ ყველა წეს მონადირეები დარწმუნებული ვარ დაიცავენ. ხოლო ურჩები უმკაცრესათ უნდა დაისაჯონ მოკლედ ჩარჩოებში უნდა მოექცეს ყველაფერი რო შედეგი დადგეს.

0   Spam
6 temo-niko13   (18.01.2010 12:30:06)
მე მგონია გარემოს დაცვა სცოდავს, თორე ამდენს ვერ გაბედავენ, იფიქრონ ამაზე 25 25 25 25 25 25 25

+1   Spam
5 gigagiga239   (10.01.2010 11:19:56)
kanoni kanonia mara qartveli qartvelia...

araperi gveshveleba mentalitetshi gagijda ukve tore chven arc germanelebs da arc ingliselebs vgavart kanon morchilebashi magalitad germaniasahi
ganonis migebis meore dges yvelam icis da icavs kidec miwaze sigarets ar agdeben da .....


+1   Spam
4 soso_k3   (08.01.2010 09:24:12)
დიდი პრობლემაა, მაგრამ ამავდროულად მოგვარებადი. აი ევროპის ქვეყნებში მიმინუმამდეა დაყვანილი ბრაკონიერობა, რადგან შესაბამისი დაფინანსება და კანონები არსებობს.

+1   Spam
3 gigagiga239   (07.01.2010 06:47:15)
nu ratqmaunda didi problemaa brakonieroba zogjer gamosavalic ar chans chemi azrit brakonierobastan sabrdzolvelad metan aqtiuri goniziebebia chasatarebeli aseve saxelmwipo dapinansebit cxovelta agitatiebis agdgena konservacia radgan ase tu gagrdzelda chveni shvilebi internetshi waikitxaven adre chventan datvi iyoo , adre chventan iremic iyoo...

da sul adre kide jeirani (qurciki) gadavashneto...
ubralod sircxvilia


+1   Spam
2 ვულფ   (06.01.2010 23:53:07)
ბრაკონიერობა ეს ყველაზე დიდი პრობლემაა. პატიოსანი მონადირე აღარასოდეს არ გადადის ზღვარს რასაც ვერ ვიტყვით ზოგ–ზოგიერთ ჩინოვნიკზე კანონი ყველასათვის ერთი უნდა იყოს და სულ მალე დაეტყობა ფლორა და ფაუნას ტყეებში ტეხნიკის შეყვანამ გამოიწვია ეს ყველაფერი

+1   Spam
1 BERG   (06.01.2010 17:56:30)
mainc mgonia calmxrivadaa gashuqebuli problema.mtlianad brakonierobac araa mizezi nadiris ricxovnebis shemcirebis.

კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]
იარაღის გამოცდა

შესვლის ფორმა

ძებნა

მინი-პროფილი
მოგესალმები: სტუმარო

კეთილი იყოს თქვენი მობრძანება. გთხოვთ დარეგისტრირდეთ ან გაიაროთ ავტორიზაცია!

translate
Выбрать язык / Choose language:
Ukranian
English
French
German
Japanese
Italian
Portuguese
Spanish
Danish
Chinese
Korean
Arabic
Czech
Estonian
Belarusian
Latvian
Greek
Finnish
Serbian
Bulgarian
Turkish

სპონსორი

მაღაზიები

ეს უნდა იცოდეთ
  • კანონი ნადირობაზე
  • კანონი თევზაობაზე
  • ლიცენზიით მოსაპოვებელი ფრინველები
  • "ელექტრომანოკის" ხმები
  • წითელი წიგნი
  • არ ესროლოთ!!!

  • ონლაინში
    საიტზე სულ: 23
    სტუმარი: 23
    მონადირე: 0

    დღეს საიტზე იყვნენ
    gogla76, dimi, raptor, mamula51, temo-niko13, abogachechiladze, akson777, gugalo, baxaie, IRAKLIG, gugaa1987, sabjek, minchanin, mirzagg, m@muka, Gochahaha, gio2404, STORME

    facebook

    საიტები
  • ბაზიერთა საერთაშორისო ასოციაცია
  • გარემოს დაცვის სამინისტრო
  • დაცული ტერიტორიების სააგენტო
  • მომსახურების სააგენტო
  • იუსტიციის სახლი
  • წითელი ნუსხა
  • სატყეო დეპარტამენტი
  • ენერგეტიკისა და ბუნებრივი რესურსების სამინისტრო

  • პარტნიორები

    რეკლამა

    რეკომენდაცია:


    sape

    ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული)  ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების  გარეშე ან წყაროს:  www.bazieri.ge-ს მითითების გარეშე დაუშვებელია !!!
    Яндекс.Метрика