სეზონი 2019
ნადირობის სეზონის გახსნამდე დარჩა:

მინი-ჩატი

კატეგორია
სტატიები თვითგადარჩენაზე [5]
სასწავლო სტატიები [77]

სიახლე ფორუმში
განახლებული 6 თემა
კურცჰაარი   
chale88პასუხების რაოდენობა: 3866
ბრეტონული ეპანიოლი ep...   
toko001პასუხების რაოდენობა: 259
ტყის ქათამზე ნადირობა   
akson777პასუხების რაოდენობა: 4083
ნადირობა იხვზე   
zviadauriპასუხების რაოდენობა: 6268
იარაღის ხელოსნები და ს...   
minchaninპასუხების რაოდენობა: 249
ქველმოქმედება   
giohunt1982პასუხების რაოდენობა: 55

ბოლო კომენტარები

ახალი სტატიები

მუსიკა საიტზე
სხვა სიმღერებს ნადირობაზე იხილავთ ფორუმში.

sape

მთავარი » სტატიები » სასწავლო სტატიები » სასწავლო სტატიები    

რა უნდა გვახსოვდეს ნადირობის წინ?
სულ მალე სანადირო სეზონი გაიხსნება და ბევრ ახალბედას პირველად მოუწევს სანადიროდ გასვლა. სწორედ მათ გვინდა შევახსენოთ, რომ ნადირობის დროს უმთავრესი ეთიკური და მორალური ნორმების დაცვაა, რომელიც მაღალ ზნეობასთან და კულტურასთან უნდა იყოს შეხამებული.  არსებობს დაწერილი თუ დაუწერელი ქცევის წესები და ძირითადი კრიტერიუმები, რომლებითაც ნებისმიერი მონადირე უნდა ხელმძღვანელობდეს, როცა სანადიროდ წასვლას გადაწყვეტს.                                                                                                                                                                     

1.თუ სანადირო განწყობა არ გაქვთ ან თავს შეუძლოდ გრძნობთ, ჯობია სანადიროდ წასვლისგან თავი შეიკავოთ, სხვა თუ არაფერი, თქვენი ცუდი განწყობა სხვებსაც გადაედება ან უარესი, შესაძლოა თქვენი მეგობრები გამოუვალ მდგომარეობაში ჩააყენოთ და ნადირობა საერთოდ ჩაშალოთ.         

2. ძალიან არაეთიკურია ისეთ სანადირო სავარგულში ჩასვლა, მით უმეტეს საკუთარ მეგობრებთან ერთად, თუ წინასწარ არ შეუთანხმდებით მათ, ვინც იქ პირველად ჩაგიყვანათ ან დაგპატიჟათ.     

3. თუ თქვენ სანადიროდ მიგიწვიეს, ”სტუმრის სტატუსს” უნდა დასჯერდეთ, ზედმეტი არ უნდა აიღოთ, საკუთარ თავზე და თავი ”მასპინძლად” არ უნდა ჩათვალოთ... და პირიქით, თუ მასპინძლობა თქვენ გიწევთ, მაშინ მაქსიმალურად უნდა ეცადოთ კომფორტი შეუქმნათ მოპატიჟებულებს-გააცნოთ სავარგულისა და რელიეფის სტრუქტურა-თავისებურება და ნადირ-ფრინველის სავარაუდო ადგილსამყოფელი.  

4. ნადირობის დროს განსაკუთრებით ამაზრზენია შური და ეგოიზმი. კრიტიკულ მანძილზე სროლა, როცა დარწმუნებული ხარ, რომ ფრინველი იქნება თუ ნადევნი ნადირი შენი არაა და ასი პროცენტით იცი, რომ ის მეზობლისკენ მიდის-ეს სიმდაბლეა. კეთილშობილება უნდა გამოიჩინო და ტროფეი გაატარო. შედეგიანი ნასროლით კმაყოფილი დარჩება არა მარტო ის, ვისაც სროლის საშუალებას მისცემ, არამედ შენც და დარწმუნებული იყავი, გაცილებით მეტად ისიამოვნებ როცა სხვა დროს კოლეგა ანალოგიურად მოიქცევა.    

5. პატრონის ნებართვის გარეშე არასოდეს ესროლოთ ფრინველს სხვისი ძაღლის ნაბულზე, რაც არ უნდა შორს იყოს მისი წამყვანი. ზოგი ამას ”დახმარებად” თვლის, სინამდვილეში კი ეს დათვური სამსახურია.    

6. თუ თქვენ დაჭრილ ფრინველს წააწყდით, რომელსაც მოშორებით სხვა მონადირე ეძებს (ან უშედეგოდ ეძებდა), აიღეთ ფრინველი და მას მიაწოდეთ. სხვისი ნანადირევის მითვისება ცხადია არაეთიკურია და უფრო მეტიც ცუდად დაცდილია-დათარსვა იცის.      

7. არაეთიკურია ნადირობის დროს ტრაბახი და ბაქი-ბუქი, მაგრამ არასოდეს შეაწყვეტინოთ ”საკუთარი თავით ტკბობა” ხანშიშესულ მონადირეებს და არც სხვას მისცეთ ამის გაკეთების უფლება.     

8. დაუგეშავი ძაღლით, რომელიც ძნელად მოსათოკია და ბრძანებებს ნაკლებად ემორჩილება, სხვასთან ერთად არ უნდა წახვიდე, თუ გინდა, რომ ნადირობა მათაც არ გაუფუჭო. მგზავრობისას აგრესიულ და მოჩხუბარ ძაღლებს აუცილებლად გაუკეთეთ ალიკაპი, თუ მისი იზოლირებულად მოთავსება შეუძლებელია. ძაღლების გამო მათი პატრონების შელაპარაკება შესაძლოა უსიამოვნო სიტუაციაში გადაიზარდოს.         

9. განსაკუთრებული სიფრთხილეა საჭირო დასვენების დროს . თოფებიდან  ვაზნები ამოღებული უნდა იყოს. კოლექტიური ნადირობის დროს წესით ამის შესახებ ნადირობის თავკაცმა უნდა შეახსენოს დანარჩენებს. თუ მას შემთხვევით მხედველობიდან გამორჩა, ჩუმად ანიშნეთ ამის შესახებ. არაორგანიზებული ნადირობის დროს კი დელიკატურად შეგიძლიათ იკითხოთ: ”აბა ვნახოთ ყველას წესრიგში გვაქვს თოფები?”        

10. ნადირობის დროს  ყოველთვის უნდა გქონდეთ ვაზნების საკმარისი რაოდენობა, სხვისთვის თხოვნა მიღებული არ არის. თუ ვინმემ ეს არ იცის და თხოვნით მოგმართათ, შეგიძლიათ მას უზიაროთ მხოლოდ მზა, ქარხნული ვაზნები. სახლში დატენილი ვაზნების მიცემა დაუშვებელია- ეს უსაფრთხოების წესების დაცვის ერთერთი აუცილებელი მოთხოვნაა. სამწუხაროდ ამ წესს ჩვენთან თითქმის არავინ იცავს.   

11. ფრინველზე და კურდღელზე ნადირობის დროს არ დაიზაროთ და უწილადეთ ნანადირევი მათ, ვისაც არ გაუმართლა და ხელმოცარულია, მაგრამ ნაწყენი არ უნდა დარჩეთ, თუ  გულით შეთავაზებულზე უარს მიიღებთ. აიღებს თუ არა-ეს თითოეულის პრინციპული,პირადი საქმეა. თუმცა წესით, თუ ნამდვილი მონადირე ხარ ამგვარ ძღვენს არ უნდა დათანხმდე.    

12. ზემდეტი არც იმის შეხსენება იქნება, რომ ნადირობის დამთავრების შემდეგ ბუნებაში ზედმეტი არაფერი უნდა დარჩეს. შეაგროვეთ ყოველგვარი ნარჩენი-ბოთლები, ქილები და ა.შ. და ეს ყველაფერი იქვე მიწაში ღრმად ჩამარხეთ ან უკეთესია თუ თან წამოიღებთ და გზად სპეციალურ ურნაში ჩააგდებთ. 
  
    და ბოლოს ”ადამიანში ყველაფერი მშვენიერი უნდა იყოს”-წერდა ანტონ ჩეხოვი. ცხადია ეს ჩვენც, მონადირეებსაც გვეხება. სამწუხაროდ არამონადირეების მხრიდან, რატომღაც ისედაც უარყოფით დამოკიდებულებას ვგრძნობთ და ჩვენი გარეგნული იერსახით, თვალშისაცემად ორიგინალური, გამომწვევი ჩაცმულობით დამატებით ნუღარ გავაღიზიანებთ მათ.    



წყარო: http://ჟურნალი ”ნადირობა” 2010წ №7
კატეგორია: სასწავლო სტატიები | დაამატა: giohunt1982 (01.05.2013) | ავტორი: ლევან დათუაშვილი.
ნანახია: 2475 | კომენტარი: 6 | ტეგები: sezoni, nadiroba, რა, mondaire, ნადირობის, გვახსოვდეს, უნდა, წინ? | რეიტინგი: 5.0/2

სტატიების გადაბეჭვდისას "წყარო: www.bazieri.ge"-ს მითითება აუცილებელია.

მსგავსი სტატიები
სულ კომენტარები: 6
+1   Spam
6 SHOTHUNTER   (21.07.2016 11:01:06)
10 10
დამწყები ვარ პირველად გავდივარ წელს სანადიროდ და ამ საიტის სტატიებიდან გამომდინარე ძალიან ბევრ რამეს ვსწავლობ .

0   Spam
5 irodi123   (04.05.2013 19:59:14)
ყველა წEსი უნდა დაიცვას აუცილებლად, ნამდვილმა მონადირემ 10 10 10

+1   Spam
4 ვულფ   (02.05.2013 20:06:51)
ყველა წესი გამოსადეგია და სასარგებლო< მაგრამ!> დაუწერელი კანონებიც აქვთ მონადირეებს. პატიოსნება კი ყველაზე პირველია 23_30_126

+2   Spam
3 Admin   (01.05.2013 19:33:19)
ყველა წესი გამოსადეგი და სასარგებლოა. შეიძლება სხვა წესების დამატებაც, თუმცა გამოკლებით არცერთის გამოკლება არ ივარგებს

+3   Spam
2 giohunt1982   (01.05.2013 15:02:23)
ხოდა ვინც ამ წესების, მინიმუმ 99%-ს არ იცავს, იმას ნურც ექნება მონადირის სახელის პრეტენზია. რადგან თოფის ქონა, ძაღლის ყოლა და მინდორში სიარული არ ანიჭებს პიროვნებას მონადირის სახელს.

+1   Spam
1 IRAKLIG   (01.05.2013 14:36:52)
10 საინტერესოა არამხოლოდ დამწყები მონადირეებისათვის არამედ ყოველი ჩვენთაგანისთვის ! 100% დარწმუნებული ვარ რომ მონადირეების 20% არ იცავს აქ ჩამოთვლილ("დაუწერელი")წესებს.

კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]
იარაღის გამოცდა

შესვლის ფორმა

ძებნა

მინი-პროფილი
მოგესალმები: სტუმარო

კეთილი იყოს თქვენი მობრძანება. გთხოვთ დარეგისტრირდეთ ან გაიაროთ ავტორიზაცია!

translate
Выбрать язык / Choose language:
Ukranian
English
French
German
Japanese
Italian
Portuguese
Spanish
Danish
Chinese
Korean
Arabic
Czech
Estonian
Belarusian
Latvian
Greek
Finnish
Serbian
Bulgarian
Turkish

სპონსორი

მაღაზიები

ეს უნდა იცოდეთ
  • კანონი ნადირობაზე
  • კანონი თევზაობაზე
  • ლიცენზიით მოსაპოვებელი ფრინველები
  • "ელექტრომანოკის" ხმები
  • წითელი წიგნი
  • არ ესროლოთ!!!

  • ონლაინში
    საიტზე სულ: 7
    სტუმარი: 7
    მონადირე: 0

    დღეს საიტზე იყვნენ
    ij43

    facebook

    საიტები
  • ბაზიერთა საერთაშორისო ასოციაცია
  • გარემოს დაცვის სამინისტრო
  • დაცული ტერიტორიების სააგენტო
  • მომსახურების სააგენტო
  • იუსტიციის სახლი
  • წითელი ნუსხა
  • სატყეო დეპარტამენტი
  • ენერგეტიკისა და ბუნებრივი რესურსების სამინისტრო

  • პარტნიორები

    რეკლამა

    რეკომენდაცია:


    sape

    ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული)  ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების  გარეშე ან წყაროს:  www.bazieri.ge-ს მითითების გარეშე დაუშვებელია !!!
    Яндекс.Метрика