ბოლო 5 წელიწადში, ბორჯომ-ხარაგაულის ეროვნულ პარკში ირმების რაოდენობა თითქმის გაორმაგდა

ფოტო: ბორჯომ-ხარაგაულის ეროვნული პარკი / ნიკა მელიქიშვილი

ბორჯომ-ხარაგაულის ეროვნულ პარკში, ბოლო 5 წლის განმავლობაში კეთილშობილი ირმის რაოდენობა თითქმის გაორმაგდა და დაახლოებით 803 სულ ირემს შეადგენს, რაც გასულ წელთან შედარებით 16 ინდივიდით მეტია, - ინფორმაციას დაცული ტერიტორიების სააგენტო ავრცელებს.

ირმის „მყვირალობის” პერიოდია. ამ დროს, ხარირემი ამაღელვებელი ბღავილით პარტნიორს მოუხმობს.

მყვირალობის პერიოდში (სექტემბერ-ოქტომბერი), რეინჯერები და ადმინისტრაციის სხვა თანამშრომლები შესაბამის უბნებზე გადიოდნენ და ირმის პოპულაციას აღრიცხავდნენ.

„ბორჯომ-ხარაგაულის ეროვნული პარკი, საქართველოში ირმის პოპულაციის შენარჩუნებისა და კონსერვაციისთვის მნიშვნელოვან ადგილს წარმოადგენს, ამიტომ, სააგენტო მთელი წლის განმავლობაში აკვირდება მათ რიცხოვნობას ფოტოხაფანგების, რეინჯერების და შესაბამისი აღრიცხვის მეთოდების საშუალებით“ - აცხადებენ სააგენტოში.