პატრონმა ძაღლი თავშესაფარში ჩააბარა, მიზეზი გაგაოცებთ

ბიგლის ჯიშის ძაღლმა, სახელად მისტიმ 11 წელი ერთ ოჯახში გაატარა. როგორც ჩანს, პატრონს მოხუცებული ძაღლი მობეზრდა და თავშესაფარში ჩააბარა. მიზეზი გასაოცარია: პატრონმა ძაღლს დააბრალა, რომ დაავადება გადასდო და თავშესაფრის თანამშრომლებს სთხოვა, ძაღლისთვის ევთანაზია (სამუდამო დაძინება) გაეკეთებინათ.

როდესაც ძაღლს გამოკვლევა ჩაუტარდა, ის სრულიად ჯანმრთელი აღმოჩნდა. თავშესაფრის თანამშრომლები მიხვდნენ, რომ პატრონს მხოლოდ მისი მოშორება სურდა.

მისტის მომვლელებმა ძაღლის სახელით Facebook-ის გვერდზე შემდეგი ტექსტი განათავსეს:

"გამარჯობა, მე მისტი ვარ, 11 წლის მოხუცი ძაღლი. ჩემმა "საყვარელმა" პატრონმა თავშესაფარში ჩამაბარა, რათა ჩემთვის ევთანაზია გაეკეთებინათ. არ მჯერა, რომ მრავალი წლის განმავლობაში ჩვენ მეგობრები ვიყავით, არც იმის მჯერა, რომ მან სასიკვდილოდ გამიმეტა.

ვინც შეძლებს ჩემს აყვანას, მეგობრულ თათს გავუწოდებ. ახლა თავშესაფარში ვარ და დღემდე არ ვიცი, რატომ მოიქცა ასე ჩემი პატრონი. გული მიმძიმს, აქ გატარებული ყოველი დღე ჩემთვის საშინელებაა. არც ის ვიცი რა ხდება ჩემს თავს ან რა ბედი მელის მომავალში. არ მჯერა, რომ პატრონის და ჩემი ურთიერთობა საბოლოოდ დასრულდა.

შენ ჩემი იმედი ხარ. ძალიან გთხოვ, მოდი ჩემს წასაყვანად. მართალია 11 წლის ვარ, მაგრამ ბიგლები დიდ ხანს ცოცხლობენ. ჩემმა პატრონმა მოიტყუა, რომ დაავადება გადავდე, მე სრულიად ჯანმრთელი ვარ, უბრალოდ აქ სიცოცხლე აღარ მიხარია და შეიძლება, მხოლოდ ამიტომ დავიღუპო. მე სახლი მჭირდება ისევე, როგორც აქ მყოფ სხვა ძაღლებს."

Zooclub

რამდენიმე დღეში თავშესაფრის გვერდზე გამოქვეყნდა სასიხარულო სიახლე. მისტის მიმართვის შემდეგ, მან მართლაც იპოვა მზრუნველი ოჯახი. ის თავშესაფრიდან ახალ პატრონთან ერთად სახლში გაემგზავრა.