იცით თუ არა რომ ?

რობოროვსკის ან უდაბნოს ზაზუნა (ასევე ეძახიან რობოს) არის ჯუჯა ზაზუნა. დაბადებისას მისი სიგრძეა 2სმ. და ზრდასრულ ასაკში აღწევს 5 სმ.-ს, ხოლო წონა - 20-25გ.-ს. მისი სიცოცხლის ხანგრძლივობაა 3 წელი (თუმცა გააჩნია იმ გარემო პირობებს, რომელშიც უწევს ცხოვრება). ზაზუნა ბინადრობს რუსეთის, ყაზახეთისა და ჩრდილოეთ ჩინეთის ტერიტორიებზე. ცხოვრობს მიწის ქვეშ. ჭამს ხილს, ბოსტნეულს და ზოგ შემთხვევაში - მწერებსა და ხორცსაც.

,ჰიტაჩი სისაიდ პარკი” იაპონიაში, იბარაკის პრეფექტურაში მდებარეობს.პარკი 3.5 ჰექტარზეა გაშენებული და წელიწადის ნებისმიერ დროს აღტაცებაში მოჰყავს მნახველები თავისი სილამაზით. წელიწადის სხვადასხვა დროს ,,მიჰარაში ნა ოკას” გორაკზე, რომელიც წყნარ ოკეანეს გადაჰყურებს, სხვადასხვა ყვავილი ყვავის.პარკი განსაკუთრებიც ცნობილია ლურჯი ,,ნემოფილათი”. ამ ყვავილს გამჭირვალე ლურჯი ფურცლები აქვს და ზაფხულობით ყვავის. მთელ პარკში 5 მილიონამდე ,,ნემოფილაა”. მისი ყვავილობის პერიოდს ,,ნემოფილას ჰარმონიას” ეძახიან და სწორედ ამ პერიოდში ჰყავს პარკს ყველაზე მეტი სტუმარი.,,ნემოფილას” გარდა პარკში გვხვდება ,,ნარგიზები”, ,,ტიტას” 170-ამდე სახეობა და სხვა უამრავი ყვავილი. პარკში მოწყობილია

ტბა ნატრონი – ეს მარილიანი ტბა მდებაროებს ჩრდილოეთ ტანზანიაში.ტბა იკვებება მდინარე ნგიროს მეშვეობით და მას ცხელი წყაროები მინერალებით ავსებენ. გასაკვირი ისაა , რომ მისი სიღრმე 3 მეტრიც არ არის.სიგანე კი სხვადასხვაა და მას წყლის დონის მიხედვით საზღვრავენ(წყლის დონე ყოველთვის ერთნაირი არ არის). ამ ტბაში კონცენტრირდება მარილები და მინერალები და ალბათ სწორედ ამიტომ აქვს მას ასეთი უცნაური შესახედაობა.

იშხანი — შუა საუკუნეთა საქართველოს ერთ-ერთი დიდი სამონასტრო ცენტრი, ქართული ხუროთმოძღვრების ძეგლი. მდებარეობს ტაოში, მდინარე ოლთისისწყლის მარჯვენა ნაპირზე (ამჟამად თურქეთის ფარგლებშია). თავდაპირველი ეკლესია (ბანის ტიპის წრიულ გარსშემოსავლელში მოქცეული ტეტრაკონქი) VII საუკუნის 30-იან წლებში ეპისკოპოსმა ნერსესმა ააშენა.

ფოტოს ავტორმა, კევინ კარტერმა, 1994 წელს ამ ნამუშევრისთვის პულიტცერის პრემია მიიღო. სურათზე ასახულია შიმშილისგან მოკუნტული და სიკვდილის პირას მისული სუდანელი გოგონა. კადრში მოსჩანს მტაცებელი ფრინველი, რომელიც მზად არის გოგონას დასაკორტნად. ფოტომ მთელი ცივილიზებული მსოფლიო შოკში ჩააგდო.
კევინ კარტერი იყო ჯგუფ «Bang Bang Club»-ის წევრი, რომელიც ოთხი ფოტოჟურნალისტისგან შედგებოდა. ჯგუფი მუშაობდა აფრიკაში და ეძებდა ფოტოსენსაციებს. როცა ფოტოგრაფს ჰკითხეს, – რატომ არ დაეხმარა გოგონას და საკვების გაცემის პუნქტში არ მიიყვანა, კევინმა უპასუხა, – ჩემი მოვალეობა ინფორმაციის მოწოდებაა და არა ვინმეს დახმარებაო. ცოტა ხანში მან თავი მოიკლა, სავარაუდოდ სუდანის შემზარავი ამბის მოგონების გამო…

უძველეს ეთიოპიაში, ერთი მაღალი მთის ფერდობზე მწყემსი სახელად კალდი თავის ცხვრის ფარას აძოვებდა. მან შენიშნა, რომ ცხვრები განსაკუთრებით აქტიურები და ენერგიულები ხდებოდნენ მას მერე, რაც მოწითალო ფერის მარცვლებს ჭამდნენ იმ მცენარის ტოტებიდან, ჩვენ რომ ახლა ყავას ვუწოდებთ.მწყემსმა რამოდენიმე მარცვალი თავადაც გასინჯა და კოფეინის არაჩვეულებრივი ზემოქმედების ქვეშ მოექცა. მან ამის შესახებ ადგილობრივ ბერებს უამბო. მათ მწყემსი გაკიცხეს და დატუქსეს კიდეც, თუმცა, მოგვიანებით სწორედ ბერებმა დაიწყეს ყავის მარცვლების აქტიური მოხმარება, მათი დახმარებით ისინი დილამდე აგრძელებდნენ ლოცვას, ისე, რომ დაღლილობას ვერ გრძნობდნენ.

ყავის სამშობლო სწორედ ეთიოპიაა. ყავის მარცვლებს უძველესი ეთიოპელები ცხოველურ ცხიმში ხვევდნენ და ხანგრძლივი ნადირობის, ლაშქრობებისა და ექსპედიციების დროს თან მიჰქონდათ, როგორც ენერგიის აღმდგენი საშუალება

"Bareleye" ახლა გამოჩნდა ასპარეზზე. მეცნიერებმა ის დიდი ხნის წინ აღმოაჩინეს, მაგრამ შესაბამის გამოკვლევებამდე მისი არსებობა არ გაამჯღავნეს. მისი "თვალები" 360 გრადუსით ტრიალებს, თუმცა ისინი სულაც არ ასრულებენ თვალების მოვალეობას. ამ საოცარ თევზს გამჭვირვალე თავის ქალა აქვს და შიგ მოთავსებული 2 მწვანე სფეროს მსგავსი ორგანო ასრულებს მხდველობის ორგანოს ფუნქციას. მისი აღქმის ეს ორგანო ზედმეტად მგრძნობიარეა სინათლეზე და ამის გამო იგი ოკეანის სიღრმეებში ბინადრობს. ნაკლებად მოძრავ წყლებში უყვარს მას ცხოვრება. იგი თითქმის ოკეანის ფსკერზე, უმოძრაო წყალშია. ისინი აღმოაჩინეს ტროპიკულ-ზომიერი სარტყელის წყლებში: ატლანტიკის, წყნარი და ინდოეთის ოკეანეებში. მისი სახელწოდება "Opisthoproctidae" არის მიღებული ბერძნული სიტყვიდან: opisthe ("უკან") და proktos ("ტანში"). რაც თანიდან ხედვას ნიშნავს.

პოლარული ციალი — პლანეტათა ატმოსფეროს ზედა ფენების (ლუმინესენციის) ნათება, რომელიც მაგნიტოსფეროს მოიცავს, მზის ქარის ნაწილაკებით დამუხტული მათი ურთიერთქმედების შედეგად.პოლარული ციალი გაზაფხულობითა და შემოდგომობით უფრო ხშირია, ვიდრე ზამთრობით და ზაფხულობით.. პოლარული ციალისას ჭარბი რაოდენობით ენერგია გამოიყოფა, (2007 წლის აღრიცხვით — 5x1014 ჯოულით, დაახლოებით იმდენი, რამდენიც 5,5 ბალიანი მიწისძვრისას. კოსმოსიდან დაკვირვებისას პოლარული ციალი ცის სწრაფცვლადი ფერთა ნათების, მოძრავი სხივების, ხაზების, გვირგვინებისა და „ფარდების" ბზინვარებით ვლინდება. პოლარული ციალის ხანგრძლივობა რამდენიმე საათიდან რამდენიმე დღემდე გრძელდება.

ქიმიური ნივთიერება – გალიუმი

გალიუმი არის მარტივი ნივთიერება რომელიც მჩატე ლითონების ჯგუფს მიეკუთვნება.ეს არის რბილი მოვერცხლისფრო ფერის ლითონი, რომელიც თავიდან მყარ აგრეგატულ მდგომარეობაში იმყოფება. თუმცა გალიუმი შეიძლება სამივე ძირითად აგრეგატული მდგომარეობაში ვიხილოთ(მყარი,თხევადი,აირადი).გალიუმი ისეთი ნივთიერება რომელიც საკმაოდ დაბალ ტემპერატურაზე დაახლოებით +29 გრადუსიდან ლღვება.მისი გადნობა ხელის გულზეცაა შესაძლებელი----> http://www.youtube.com/watch?v=FaMWxLCGY0U