ნადირობის სეზონი
ნადირობის სეზონის დახურვამდე დარჩა:

მინი-ჩატი

კატეგორია
სიახლე სამონადირეო სამყაროში [138]
საიტის ამბები [77]
ბაზიერი [27]
ბრაკონიერობა [166]
მოიპარეს-დაიკარგა [115]
ცხოველები და ფრინველები [264]
ძაღლები [135]
საქართველოს ამბები [461]
უცხოეთის ამბები [319]
საქართველოს წარსულიდან [43]
მიმოხილვა [33]
მგლები და ტურები [52]
ქვეწარმავლები [14]
დედამიწა [110]
იცით თუ არა რომ [282]
სახუმარო ამბები [47]
სხვადასხვა [356]

სიახლე ფორუმში
განახლებული 6 თემა
სანადირო სეზონის გახსნ...   
westernპასუხების რაოდენობა: 50
იარაღები   
nikorcminda1პასუხების რაოდენობა: 5552
მოძრაობა ბრაკონიერობის...   
giohunt1982პასუხების რაოდენობა: 0
პნევმატური იარაღები   
ბაქარიპასუხების რაოდენობა: 1646
იარაღის ხელოსნები და ს...   
minchaninპასუხების რაოდენობა: 239
ინგლისური სეტერი   
giohunt1982პასუხების რაოდენობა: 1147

ბოლო კომენტარები

ახალი სტატიები

მუსიკა საიტზე
სხვა სიმღერებს ნადირობაზე იხილავთ ფორუმში.

sape

მთავარი » 2013 » აპრილი » 30 » ელიოზიანთ კარის ბელები    

21:01:08
ელიოზიანთ კარის ბელები
ელიოზიანთ კარის ბელები
ელიოზიანთ კარის ბელები
29-04-2013
დათვი ეძახე და თავისუფლების ყადრიც იცოდა და მოძმის გამო დარდიც... 

ეს ამბავი 1968 წელს მოხდა. მერაბ ელიოზიშვილს შეატყობინეს, რომ ჯავისკენ ბრაკონიერებს დედა დათვი მოეკლათ და მისი სამი ბელი სოფელში ჩაეყვანათ. გულზე მოხვდა მწერალს... იცოდა, სოფელში ბელებს გასართობად მოინდომებდნენ, ვინმეს შეიძლება გალიაშიც ჩაესვა და სასადილოს, ან რესტორნის წინ გამოედგა (ასეთი პრაქტიკა ხომ არსებობდა). ისედაც ობლობით გაწამებული ბელები არაფრით ემეტებოდა ადამიანების საჯიჯგნად. მერაბ ელიოზიშვილს ვილისი ("კოლხოზნიკსაც" ეძახდნენ), მთასა და უგზოში კარგად მავალი მანქანა ჰყავდა, სწორედ ამ მანქანით გაჰყოლია ტყისმცველებს ბრაკონიერის სახლისკენ.

სამწუხაროდ, სამიდან ერთი  გასხვისებული დახვდათ... ის ორი კი წამოიყვანეს... თავსატეხი ის იყო, ასეთ პატარებს ტყეში ჰაიჰარად ვერ გაუშვებდნენ, ჯერ უნდა გამოეზარდათ. ვეტერინარის რჩევით, პირუტყვის საწოვარა უყიდეს ორივეს და რძითა და თაფლიანი წყლით დაუწყეს გამოკვება...
როგორც ბატონი მერაბის შვილები - დავითი და ეთერი იხსენებენ, ბელების შინ მოყვანა დიდი ზეიმი იყო. ასე დაბინავდნენ ცხინვალის, უწინ სოფელ დგვრისად წოდებულ ელიოზიანთ სამკვიდრო მამულში ობოლი ბელები... ერთს იმის გამო, რომ დათვი იყო, დათო დაარქვეს, მეორეს - ბაჩო. 

ელიოზიანთ კარში, ძველთაძველი ფიცრულ-კრამიტით გადახურულ სათონეში საუკუნის წინანდელი წინაპართა მიერ მონადირებული დათვის ტყავი ეკიდა. ფოტოზე სწორედ ამ სათონის წინ დგას მერაბ ელიოზიშვილი და ხელში ქეჩოთი ბელი უჭირავს - ბაჩო... საინტერესო ის იყო, მას მერე, რაც ბელები ეზოში გაუშვიათ, სათონის კარს მიმდგარან და გულსაკლავად აბღავლებულან. ეტყობა, გუმანით ტყავი უცნიათ, თავისი დედის ბეწვს თუ შეადარეს, ალბათ...

- ხედავ, ამათაც იციან თავისი ჯიშის ცნობა, - კიდევ უფრო გულში ჩასწვდომია ალალ და მგრძნობიარე მასპინძელს... იქნებ პარალელებიც გაავლო და კონტრასტიც იპოვა ადამიანების ქცევასა და ბელების ქცევას შორის... ადამიანები ხშირად გაურბიან წინაპართა ადგილებს, უცხონი კი, ასევე თავის ალაგს გამოქცეულები, ემკვიდრებიან და გულდაგულ შლიან ნამასპინძლარების ნაკვალევს... დრომ ხომ აჩვენა, ასე რომ იყო... თუმცა საბოლოო დარტყმამდე ჯერ კიდევ რჩებოდა ათეული წლები, ჯერ კიდევ თავის ცხინვალში ცხოვრობდა და ბედნიერი იყო - ამაყი, თავის წინაპრებთან ახლოს მდგომი, იმათი საფლავების ჭირისუფალი... 

ელიოზიანთ სახლში ბელებს მწყერზე მონადირე ძაღლი - პოინტერი ჩარლიც დახვდა. სუნი იკრეს და ორივე ბელი უკანა თათებზე დადგა, წინა თათებით ჩარლის მიეტანა. შეშინებული პოინტერი ეზოში ძველი ტახტის ქვეშ შევარდა და მოიკუნტა. ერთი ბელი თავით დაუდგა, მეორე - ფერხთით. თათების ქნევითა და ბღავილით მოიმწყვდიეს შუაში... რაკი სხვა გზით ვერ გამოიყვანა, მერაბ ელიოზიშვილმა ტახტი გადააყირავა და ძაღლი ბელებისგან "გაათავისუფლა".

მხიარული და ღონიერი ბელები თანდათან გალაღდნენ.
დათოს და ბაჩოს ელიოზიშვილები გულუხვად აპურებდნენ, ვრცელი სარდაფი მათ სამყოფლად აქციეს... მაგრამ ბელებს დათვური ბუნება ჰქონდათ და გარეთ მიიწევდნენ. მოგეხსენებათ, იმას, რაც სისხლშია გამჯდარი, ვერაფერი მოერეოდა. მასპინძელმაც ეზოში გაუშვა, ბელები ხეზე ადიოდნენ, კიბეს საფეხურებით კი არა, ცოცვით მიჰყვებოდნენ, საგანგებოდ მათ გასართობად აგებულ ძველი ფიცრების ფარდულს ხან თავზე მოექცეოდნენ, ხან - ქვეშ... 

გაზაფხული იდგა. ცოტა კიდევ უნდა გაეძლოთ, მერე, ზაფხულში, ლაგოდეხის ნაკრძალში უპირებდა გაშვებას გადამრჩენელი. დრო კი გაჭიანურდა... ბელები რძისა და თაფლიანი წყლის მეტს არაფერს აკარებდნენ პირს... ცოტა გაუჭირდა ოჯახს მათი შენახვა... ბავშვებისთვის აღარ რჩებოდათ რძე და თაფლი... იქნებ ერთი ბელის შენახვაში მეგობარი დამეხმაროსო, - იფიქრა ელიოზიშვილმა და დათო დროებით თავის მეგობართან გადაიყვანა. 

ბაჩო მთლად გადაირია, კიდევ უფრო მოუსვენარი გახდა. პატარა გალია გაუკეთეს. აღრიალდა, არ იგუა... ცხაურებს შორის თავი გამოყო და გაიჭედა. მაშინ დიდი ცხაური აუგეს - ოთახის ხელა. შუაში იყო გამხმარი ხე. იარა ბაჩომ თავის ახალ "აპარტამენტში", თავი თავისუფლებაწართმეულად იგრძნო. აღარც დედა, აღარც ძმა... ეგეთი რძე და თაფლიანი წყალიც აღარაფრად უღირდა და თავის მოკვლა გადაწყვიტა. აძვრებოდა ხმელ ხეზე და თავით ვარდებოდა ძირს, ისევ აძვრებოდა და ვარდებოდა... თან გულსაკლავად ბღაოდა. რომ დაიღალა, უკანა თათი ჩაიდო და სისხლის გამოსვლამდე წოვდა.
დათვი ეძახე და თავისუფლების ყადრიც იცოდა და მოძმის გამო დარდიც... 

ზაფხულში ორივე ბელი ლაგოდეხში წაიყვანა... ალბათ "კოლხოზნიკიდან" დგაფუნით გადმოცვივდნენ და უსიერი ტყისკენ გაბაჯბაჯდნენ. არ ვიცი, მოხედეს თუ არა უკანასკნელად მასპინძელს, რომელმაც სიცოცხლე გადაურჩინა... დათვებმა რა იცოდნენ, რომ მათი გადამრჩენელი ქართველი მწერალი იყო, რა იცოდნენ, რომ საოცარ მოთხრობებს, სცენარებსა და პიესებს წერდა... არც ის გაეგებოდათ, რომ ათეული წლების შემდეგ მასაც გამოაძევებდნენ სახლიდან, გადაკარგავდნენ იმ ეზო-კარიდან, რომელიც ასე უყვარდა... იმასაც დააობლებდნენ, რადგან მამა-პაპის, მშობლების საფლავს დააკარგვინებდნენ...


წყაროhttp://www.kvirispalitra.ge/public/16847-eliozianth-karis-belebi.html
კატეგორია: ცხოველები და ფრინველები | ნანახია: 1814 | დაამატა: Gia | ტეგები: brakonieri.mcerali, ბელები, დათვი, ბრაკონიერი, კარის, datvi, ელიოზიანთ, beli, ბელი, მონადირე | რეიტინგი: 5.0/3

მსგავსი მასალა
სულ კომენტარები: 7
0   Spam
7 basheli   (05.04.2017 11:06:02)
166 166 166 166 166 166 166

0   Spam
6 @monadire@   (05.05.2013 01:04:11)
10

0   Spam
5 კოკა   (05.05.2013 00:10:54)
166

0   Spam
4 ვულფ   (02.05.2013 19:47:56)
ძალიან მაგარია 10

0   Spam
3 bizona   (01.05.2013 01:00:06)
23_30_126 ძალიან მაგარი ისტორიაა 10 10

0   Spam
2 avtandil   (30.04.2013 23:17:43)
47d9

0   Spam
1 giohunt1982   (30.04.2013 21:07:05)
10 10 23_30_126

კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]
იარაღის გამოცდა

შესვლის ფორმა

ძებნა

მინი-პროფილი
მოგესალმები: სტუმარო

კეთილი იყოს თქვენი მობრძანება. გთხოვთ დარეგისტრირდეთ ან გაიაროთ ავტორიზაცია!

translate
Выбрать язык / Choose language:
Ukranian
English
French
German
Japanese
Italian
Portuguese
Spanish
Danish
Chinese
Korean
Arabic
Czech
Estonian
Belarusian
Latvian
Greek
Finnish
Serbian
Bulgarian
Turkish

სპონსორი

მაღაზიები

ეს უნდა იცოდეთ
  • კანონი ნადირობაზე
  • კანონი თევზაობაზე
  • ლიცენზიით მოსაპოვებელი ფრინველები
  • "ელექტრომანოკის" ხმები
  • წითელი წიგნი
  • არ ესროლოთ!!!

  • ონლაინში
    საიტზე სულ: 9
    სტუმარი: 8
    მონადირე: 1
    STORME

    დღეს საიტზე იყვნენ
    STORME

    facebook

    საიტები
  • ბაზიერთა საერთაშორისო ასოციაცია
  • გარემოს დაცვის სამინისტრო
  • დაცული ტერიტორიების სააგენტო
  • მომსახურების სააგენტო
  • იუსტიციის სახლი
  • წითელი ნუსხა
  • სატყეო დეპარტამენტი
  • ენერგეტიკისა და ბუნებრივი რესურსების სამინისტრო

  • პარტნიორები

    რეკლამა

    რეკომენდაცია:


    sape

    ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული)  ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების  გარეშე ან წყაროს:  www.bazieri.ge-ს მითითების გარეშე დაუშვებელია !!!
    Яндекс.Метрика