gogita12 გავიხსენოთ "ბაზიერის" პირველი ტურნირი ❤ 
დაშვებისას: შევარდენს (Falco Peregrinus) შეუძლია დაშვება 270 კმ/სთ სიჩქარით 30 0 კუთხით დაშვებისას, ხოლო 45 0 კუთხის შემთხვევაში შეუძლია სიჩქარე გაზარდოს 350 კმ/სთ-მდე.
ხმელეთზე: ყველაზე სწრაფი, არამფრინავი ფრინველია სირაქლემა (Struthio camelus). მას შეუძლია ირბინოს 72 კმ/სთ სიჩქარით
წყალში: ყველაზე სწრაფი წყალში მცურავი ფრინველია პაპუის პინგვინი (Pygoscelis papua). მას შეუძლია ცურვა 27 კმ/სთ სიჩქარით.
ყველაზე ძლიერი მტაცებელი ფრინველი. დედალი დიდი ჰარპიას (Harpia harpyja) შეუძლია მოკლას და წაიღოს ცხოველი, რომლის წონა ტოლია ან აღემატება მის წონას 9 კგ-ს.
ყველაზე პატარა ფრინველი: მამალი კოლიბრის (Mellisuga helenae) სიგრძეა 57 მმ, აქედან ნახევარი კუდსა და ნისკარტზე მოდის. იწონის – 1,6 გრ. ბინადრობს კუბასა და კუნძულ ხუვენტუდზე.
კოლიბრი ყველაზე სწრაფად იქნევს ფრთებს. წითელყელიანი კოლიბრი 1 წამში 200-ჯერ იქნევს ფრთებს.
ყველაზე გაუმაძღარი ფრინველი. ყველაზე მშიერ ფრინველად მიჩნეულია კოლიბრი. მათ იმდენად მაღალი აქვთ მეტაბოლიზმი, რომ ყოველდღიურად აუცილებლად უნდა მიიღონ საკვები არანაკლებ თავისი მასის ნახევრისა, რათა იცოცხლონ. ისინი ძირითადად იკვებებიან პატარა მწერებითა და ყვავილების წვენით.
ყველაზე დაბალი ბუდობა: პატარა მწვანე კვირიონი (ფუტკარიჭამია) (Merops orentalis) იშენებს ბუდეს ზღვის დონიდან 400 მ დაბლა, მკვდარი ზღვის რაიონში, ახლო აღმოსავლეთში. ეს არის ფრინველების ბუდობის ყველაზე დაბალი დონე.
ყველაზე პატარა ბუდე: ფრინველი – ბუზის (Mellisuga minima) ბუდის ზომა არ აღემატება ბერძნული კაკლის ნაჭუჭის ნახევარს, მაგრამ უფრო ღრმა და ვიწრო, სათითის ზომის ბუდე აქვს კოლიბრს.
ყველაზე დიდი საერთო ბუდე. ფრინველი ფეიქარი (Philetairus socius) გავრცელებულია სამხ-დასავლეთ აფრიკაში. ისინი ცხოვრობენ ჯგუფურად და ქსოვენ ”კომუნალურ” ბუდეებს რომელთა სიგრძე – 8 მ, ხოლო სიმაღლე – 2მ. ეს ბუდე წააგავს თივის ზვინს და აერთიანებს 300-მდე ცალკეულ ბუდეს. ეს ”გაერთიანებები” ისეთი მძიმეა, რომ ხეები ხშირად იმტვრევიან.
წითელთვალა ვირეოს (ბეღურების ოჯახი) (vireo olivaceus), ახალ ზელანდიურ მგალობელ ფრინველს შეუძლია 10 სთ განმავლობაში იგალობოს 22197 სიმღერა, საათში – 2000.
ყველაზე მოკლე გადაფრენა. ჩრ. ამერიკული ცისფერი როჭო (Dendragapus obscurus) 300მ -ზე მეტ მანძილზე არ მიფრინავს საკვების მოსაპოვებლად. ზამთრის საცხოვრებლიდან, ფიჭვის ტყიდან უახლოეს ფოთლოვან ტყეში ის ეძებს ახალ ფოთლებსა და თესლს.
ყველაზე პატარა კვერცხი. ყველაზე დიდ კვერცხს დებს ჩვეულებრივი სირაქლემა (Struthio camelus), მაგრამ თუ გავითვალისწინებთ სირაქლემის წონას, მისი წონიდან გამომდინარე მისი კვერცხი ყველაზე პატარა გამოდის. კვერცხზე მოდის მისი მთლიანი წონის მხოლოდ 1,4-1,5 %. ასეთივე შეფარდება აქვს საიმპერატორო პინგვინის (Aptenodytes forsteri) ზომასა და მის კვერცხს.
