gogita12 გავიხსენოთ "ბაზიერის" პირველი ტურნირი ❤ 
მიმდინარე წელს, ავტრალიაში, თეთრი ზვიგენების, თავდასხმის შედეგად, უამრავი ადამიანი დაიღუპა. გასულ შაბათს, ზვიგენის მსხვერპლი 24 წლის ახალგაზრდა გახდა. განვითარებული მოვლენების გამო, ავსტრალიის ბუნების დაცვის მინისტრმა ნორმან მურმა ავტრალიის ხელისუფლებას, განცხადებით მიმართა, რომ მოხსნან თეთრ ზვიგენებზე ნადირობის აკრძალვის კანონი.
ბუნების დამცველთა საერთაშორისო ფონდმა IUCN-მ, თეთრი ზვიგენი, ყველაზე დაუცველ და გადაშენების მყოფ ცხოველთა სიაში შეიყვანა და მათზე ნადირობა აკრძალა. რასაც ნორმან მური კატეგორიულად არ ეთანხმება.
ნორმან მური ვარაუდობს, რომ ზვიგენების თავდასხმა, დასავლეთ ავსტრალიაში, ტურისტულ ინდუსტრიას დიდ ზიანს მიაყენებს. მისივე მტკიცებით, ამ ზვიგენების პოპულაცია საგრძნობლად გაიზარდა.
ამ განცხადებამ, ეკოლოგებში დიდი პროტესტი გამოიწვია. ეკოლოგები თვლიან, რომ ზვიგენების თავდასხმა ადამიანების ბრალია, რადგან ისინი აკრძალულ ადგილებში სერფინგით არიან დაკავებულნი.
ადგილობრივი გარემოსდაცვის სამსახურის უფროსმა განაცხადა, რომ „ჩვენ ადამიანებმა, უნდა შევიგნოთ, რომ მათ ტერიტორიაზე არ შევიჭრათ. ზვიგენების მხრიდან ეს ადეკვატური ქცევაა, ისინი თავს იცავენ და თუ მათზე ნადირობა გამოცხადდება, ისინი საერთოდ გადაშენდებიან”.
მოამზადა გიორგი ზედგინიძემ
