ნადირობის სეზონი
ნადირობის სეზონის გახსნამდე დარჩა:

მინი-ჩატი

კატეგორია
მტაცებელი ფრინველების ვეტერინარია [1]
მონადირე ძაღლების ვეტერინარია [23]
სხვა ცხოველების და ფრინველების ვეტერინარია [1]

სიახლე ფორუმში
განახლებული 6 თემა
ბრეტონული ეპანიოლი ep...   
gio90პასუხების რაოდენობა: 264
სასტენდო სროლა ...   
demurkპასუხების რაოდენობა: 198
ტყის ქათამზე ნადირობა   
giohunt1982პასუხების რაოდენობა: 4113
მწყერზე ნადირობა   
Marco-Poloპასუხების რაოდენობა: 4148
მოსინის სნაიპერული შაშ...   
gelka72პასუხების რაოდენობა: 33
სამ ლულიანი სანადირო თ...   
Daturi1975პასუხების რაოდენობა: 12

ბოლო კომენტარები

ახალი სტატიები

მუსიკა საიტზე
სხვა სიმღერებს ნადირობაზე იხილავთ ფორუმში.

sape

sape

მთავარი » სტატიები » ვეტერინარია » მონადირე ძაღლების ვეტერინარია    

რომელ ასაკში ხდება ცხოველებში ალერგიის პირველადი გამოვლინება და როგორ გავუხანგრძლივოთ მათ სიცოცხლე კომფორტულად და მშვიდად
თუ ოჯახში ძაღლი გყავთ, ზამთრის პერიოდში უნდა შეეცადოთ, მისი ჯანმრთელობა განსაკუთრებით დაიცვათ გაუთვალისწინებელი უსიამოვნო შემთხვევებისგან, რადგან, მოსალოდნელია სხვადასხვა სახის ალერგია და ქრონიკული დაავადებების გამწვავება. ამ თემასთან დაკავშირებით ვეტერინარიის მეცნიერებათა დოქტორი ზაქრო ბაჯიაშვილი მოგითხრობთ.

 

ზაქრო ბაჯიაშვილი: გარემოს დაბალი ტემპერატურა განსაკუთრებული მოქმედებით ხასიათდება ცხოველის ორგანიზმზე. ეს მოქმედება შეიძლება, გამოიხატოს სხვადასხვა პათოლოგიური პროცესის განვითარებით, ასევე, ქრონიკულად მიმდინარე დაავადებების გამწვავებით. 

– კერძოდ, რომელ დაავადებებს გულისხმობთ?

– ამ დროს ძალიან ხშირად ვითარდება სასუნთქი სისტემის რესპირატორული, ასევე, საყრდენ-მამოძრავებელი სისტემის დაავადებები. აღნიშნული სისტემების დაავადებათა განვითარება პირდაპირაა დამოკიდებული გარემოს დაბალ ტემპერატურაზე, რადგან ამ დროს ორგანიზმიდან გაძლიერებულია სითბოს გაცემა და ორგანიზმის გაციება სითბოს გაცემის ხარჯზე ხდება, რადგან სითბოს პროდუცირება გაცილებით ნაკლებია მის გაცემაზე. 

– რას უნდა მივაქციოთ ამ პერიოდში განსაკუთრებული ყურადღება?

– ამ პერიოდში განსაკუთრებული ყურადღება უნდა მიექცეს ძაღლის ბეწვის საფარველს, რაც, თავის მხრივ, პირდაპირ კავშირშია თერმორეგულაციასთან. ამიტომ, ცივი სეზონის დადგომასთან ერთად პირველ ყოვლისა, უნდა მივხედოთ და მოვაწესრიგოთ ძაღლის ბეწვის საფარველი, მით უფრო, თუ მას ეზოს ან ვოლიერის პირობებში ვაცხოვრებთ. უნდა მოხდეს მათი საგულდაგულო დავარცხნა, გაკრეჭა და გასუფთავება, რადგან მოუვლელი ბეწვის საფარველი არათუ დაიცავს ცხოველს გარემოს დაბალი ტემპერატურისგან, არამედ, პირიქით, ხელს შეუწყობს მის ზემოქმედებას. მოუვლელი, დუვარცხნელი და ჭუჭყიანი ბეწვის საფარველი სითბოს კარგი გამტარია, რაც განაპირობებს ორგანიზმიდან სითბოს დიდი რაოდენობით გაცემას. 

 ასევე, ყურადღება უნდა მიექცეს კანის საფარველის მდგომარეობასაც, რადგან, დაზიანებული კანის საფარველი ვერ განაპირობებს სხეულის დაცვას არა მარტო გარემოს დაბალი ტემპერატურის, არამედ, სხვადასხვა დაავადებისგან, რაც განსაკუთრებით მწვავდება აღნიშნულ პერიოდში. ამ დროს ხშირია ისეთი ალერგიული დაავადებების განვითარების ალბათობა, როგორიცაა, მაგალითად, ატიპური დერმატიტები.

 ალერგია მეორეა თავისი გავრცელების მიხედვით. როგორც წესი, აღნიშნული ტიპის ალერგიების პირველადი გამოვლინება ხდება 10 თვიდან 3 წლის ასაკამდე.

– რა არის მისი გამომწვევი მიზეზი?

– მისი გამომწვევი მიზეზი შეიძლება იყოს ოთახის მტვერი, საკვები და ასე შემდეგ. რეაქციის გამოსაწვევად მათი მიკროდოზაც საკმარისია. რადგან ჩვენ ვერ გავუკეთებთ ცხოველს იზოლაციას გარე სამყაროსთან, ამოტომ, საჭიროა ცხოველის მკურნალობა მთელი სიცოცხლის განმავლობაში. ალერგიის ბოლომდე განკურნებას ჩვენ ვერ შევძლებთ, მაგრამ, შეგვიძლია, შევურჩიოთ ისეთი მკურნალობა, რომელიც შეუმსუბუქებს ძაღლს მდგომარეობას და გაუხანგრძლივებს სიცოცხლეს.

 ყველა ტიპის ალერგიის კლინიკური ნიშნები ძალიან რთული და მრავალფეროვანია. ეს არის ქავილი, სიწითლე და გამონაყარი, რაც მიუთითებს არა მარტო ალერგიაზე, არამედ თანმდევ ბაქტერიალურ ინფექციაზე. ალერგიების უმრავლესობისთვის დამახასიათებელია ზურგის, გავისა და კუდის დაზიანება. იმის გარკვევა, თუ რა ბუნებისაა ალერგია, გარეგნული ნიშნებით საკმაოდ რთულია. 

– რას ურჩევთ ძაღლის პატრონს ასეთ დროს?

– ალერგია რომ არ გართულდეს და თქვენს ძაღლს სერიოზული პრობლემა არ შეექმნას უყურადღებობის გამო, საჭიროა, როგორც კი მას ნებისმიერი სახის გამონაყარს, სიწითლეს ან ქავილს შენიშნავთ, დაუყოვნებლივ აჩვენოთ ვეტერინარს, რომელიც დიაგნოზს დასვამს, დაადგენს სახის ალერგიის ტიპს და დაუნიშნავს შესაბამის მკურნალობასა და დიეტას. 

თუ ყველა ზემოთ აღნიშნულ რჩევას ზედმიწევნით გულდასმით გაითვალისწინებთ და ძაღლს შეუქმნით კარგი მოვლა-შენახვის პირობებს წელიწადის ცივი პერიოდისთვის, ამით მას შეუნარჩუნებთ სიცოცხლეს და გაუხანგრძლივებთ ჯანმრთელობას. 

 


წყარო: http://www.tbiliselebi.ge/index.php?mas_id=13585&year=2012&jurn_id=2&rubr_id=28
კატეგორია: მონადირე ძაღლების ვეტერინარია | დაამატა: giohunt1982 (14.03.2013)
ნანახია: 1705 | კომენტარი: 1 | რეიტინგი: 0.0/0

სტატიების გადაბეჭვდისას "წყარო: www.bazieri.ge"-ს მითითება აუცილებელია.

მსგავსი სტატიები
სულ კომენტარები: 1
0   Spam
1 avtandil   (15.03.2013 09:55:20) [მასალა]
ოო ეს კარგი სტატიაა 166 მე გამომადგება, უბრალოდ ჩემი ლეკვი 4 დღეა სახლში აღარ მყავს და ოთახთან დაკავშირებული პრობლემა არ შემაწუხებს... 10

კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]
შესვლის ფორმა

ძებნა

მინი-პროფილი
მოგესალმები: სტუმარო

კეთილი იყოს თქვენი მობრძანება. გთხოვთ დარეგისტრირდეთ ან გაიაროთ ავტორიზაცია!

სპონსორი

მაღაზიები

ეს უნდა იცოდეთ
  • კანონი ნადირობაზე
  • კანონი თევზაობაზე
  • ლიცენზიით მოსაპოვებელი ფრინველები
  • "ელექტრომანოკის" ხმები
  • წითელი წიგნი
  • არ ესროლოთ!!!

  • ონლაინში
    საიტზე სულ: 5
    სტუმარი: 5
    მონადირე: 0

    facebook

    საიტები
  • ბაზიერთა საერთაშორისო ასოციაცია
  • გარემოს დაცვის სამინისტრო
  • დაცული ტერიტორიების სააგენტო
  • მომსახურების სააგენტო
  • იუსტიციის სახლი
  • წითელი ნუსხა
  • სატყეო დეპარტამენტი
  • ენერგეტიკისა და ბუნებრივი რესურსების სამინისტრო

  • პარტნიორები

    რეკლამა

    რეკომენდაცია:


    sape

    sape

    sape

    ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული)  ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების  გარეშე ან წყაროს:  www.bazieri.ge-ს მითითების გარეშე დაუშვებელია !!!
    Яндекс.Метрика