ბრანდლ-ბრაკი ანუ ავსტრიული მდევარი, იგივე-მოკლებეწვიანი ავსტრიული მდევარი-სანადირო ძაღლის უძველესი ჯიშია, რომელსაც სხვადასხვა ვარიანტების სახით ალპების ავსტრიულ ნაწილში ამრავლებდნენ. ეს ძაღლები როგროც ვარაუდობენ, ევროპაში ერთ დროს, ფართოდ გავრცელებულ შავი-რუჟიანი მდევრებიდან უნდა იყვნენ გამოყვანილნი. ბრანდლ-ბრაკები ავსტრიის საზღვრებს მიღმა, პრაქტიკულად ცნობილი არ არის. იგი საშუალო ზომის(სიმაღლე 46-58 სმ.-ია წონა, 23კგ.-მდეა), გაწონასწორებული ფსიქიკის, ძლიერი, ენერგიული, ძაღლია. ფერად შავია, რუჟით. თეთრი ლაქები დასაშვები, მაგრამ არასასურველია. იშვიათად ყავისფერ-წითურ ფერის ძაღლებიც შეიძლება გამოერიოს. შემოსილია ბზინვარე, უხეში, ხშირი ბეწვით. თავი საშუალო ზომის აქვს, შედარებით განიერი შუბლის ნაწილითა და წინ წაწვეტებული დრუნჩით. შუბლიდან დრუნჩზე გადასვლა მკვეთრადაა გამოხატული. ყურები საშუალო სიგრძის აქვს, მაღლა დაყენებული, ჩამოკიდებული, ბოლოში მომრგვალებული. თვალები-მუქი ყავისფერი. წაგრძელებული ფორმატისაა სწორი ზურგის ხაზითა და ოდნავ წაკვეთილი გავით. მკერდი ფართო და ღრმად დაშვებული აქვს, კუდი ოდნავ შემოხრილი, ძირში უფრო მსხვილი, ქვედა მხარეს უხეში ბეწვით დაფარული. ბრანდლ-ბრაკი გამორჩეული ყნოსვის ძაღლია, კარგად დასდევს ნებისმიერ ნადირს, ოღონდ უხმოდ. მიუხედავად ამისა, რაც უნდა გასაკვირი იყოს, ავსტრიელი მონადირეები დიდად აფასებენ, როგორც გადაკიდებული დევნის, მომპოვებელ ძაღლს. ზედმეტად ენერგიული ბრაკი სახლის პირობებში წარმოუდგენლად წყნარი და მშვიდია.
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
gogita12 გავიხსენოთ "ბაზიერის" პირველი ტურნირი ❤ 
