ფაფრიანი მგელი (ლათ. Chrysocyon brachyurus) — ძუძუმწოვარი ცხოველი ძაღლისებრთა ოჯახისა. სხეულის სიგრძე 115-125 სმ აღწევს, კუდისა დაახლოებით — 30 სმ. სიმაღლე მინდაოში 75 სმ.
გავრცელებულია სამხრეთ ამერიკაში. გვხვდება ბრაზილიაში, პარაგვაიში, არგენტინაში, ბოლივიასა და პერუში. მეტად იშვიათად ურუგვაიში. მოშავო ფერის დინგი აქვს. უპირატესობას ანიჭებს ღია ბალახოვან და ბუჩქნარ პამპასებს, ტყის პირებსა და ჭაობის ნაპირებს. მთებსა და წვიმის ტყეებში არ გვხვდება. მონოგამიური ცხოველია. მაკეობა გრძელდება 62-66 დღე. სქესობრივ სიმწიფეს აღწევს 1 წლისა. ტყვეობაში ცოცხლობს 12-15 წელს. საფრთხესთან ახლოს მყოფი სახეობაა. ფაფრიანი მგელი ძაღლისებრთა რიგს მიეკუთვნება. მისი სხეულის სიგრძე დაახლოებით 115-126 სმ-ს აღწევს, ხოლო კუდი 25-30 სმ-მდეა. ეს ცხოველი გავრცელებულია სამხრეთ ამერიკაში, ბრაზილიაში, პარაგვაიში, არგენტინასა და ბოლივიაში. ისიც ერთ-ერთი იშვიათი ცხოველთაგანია, რომლებიც დედამიწაზე ბინადრობს. ზოგჯერ გარეგნობამ შესაძლოა მოგვატყუოს. გრძელფეხება ცხოველი, რომელსაც ადგილობრივი მცხოვრებლები ლობო-გუარას ეძახიან, უნდა ყოფილიყო საუკეთესო მორბენალი, თუმცა, სისწრაფით ის ვერ იტრაბახებს, რადგან მას ძალიან პატარა ფილტვები და გული აქვს.
არაპროპორციული თათების გამო, გუანა სავანის ბალახზეც კი მაღალია, რაც ეხმარება ნადავლის მოპოვებაში. სუსტი კბილების გამო, უწევს ნადირობა ყველანაირ წვრილმანზე, რომლის გადაყლაპვაც იოლია, მაგალითად: მღრღნელები, ფრინველები, ლოკოკინები და მწერები. მისი რაციონის ნახევარს შეადგენს ხილი და მცენარის ფესვებზე არსებული ნაყოფი. საყვარელი საკვები - ბანანი და გუავა.
ზოოლოგებს დიდი დროის განმავლობაში ვერ გადაეწყვიტათ ფაფრიანი მგელი მიეკუთვნებინათ მგლისებრი თუ მელიისებრი ოჯახებისთვის. გაირკვა, რომ ეს ერთადერთი ცხოველია მოზრდილ ძაღლისებრთა ოჯახისა, რომელიც ათასობით წლის წინ გადაშენდა, სწორედ ამ ოჯახს მიეკუთვნება ფაფრიანი მგელიც. ამ ცხოველის მეცნიერული სახელია Chrysocyon brachyurus -ი, რაც ნიშნავს "მოკლეკუდიან ოქროსფერ ძაღლს".
ფაფრიან მგელს არაპროპორციულად გრძელი ფეხები აძლევს შანსს, რომ გადაურჩეს მძიმე ბუნებრივ პირობებს.
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
gogita12 გავიხსენოთ "ბაზიერის" პირველი ტურნირი ❤ 
