ალალი გვხვდება ევროპაში, აზიაში, გარდა უკიდურესი ჩრდილო ნაწილისა, აფრიკაში.

საქართველოს ფარგლებში ალალი მოიპოვება თითქმის ყველგან მობუდარი ფრინველის სახით. ვერტიკალურად ვრცელდება 3500 მ.მდე.

ბინადრობს ალალი ტყეში (გარდა უღრანისა), ტყე-სტეპში, კულტურულ ლანდშაუტებში, ბუჩქნარებში, მთიან ადგილებში. საბინადროდ არ ერიდება ადამიანის სამოსახლოს სიახლოვეს. ბუდეს იკეთებს ბუჩქზე, ხშირად კუნელზე, ხეზე, ხის ფუღუროში, ზოგჯერ კლდის ნაპრალში ან ხრამის სანაპიროზე, შენობათა ნანგრევებში. აპრილის დამლევს დებს 3-8 კვერცხს. კრუხობა 28 დღე გრძელდება. მამალი აქტიურ მონაწილეობას ღებულობს ბარტყების გამოკვებაში: მას მოაქვს ნანადირევი, რომელსაც აწვდის დედალს, ხოლო ეს უკანასკნელი უნაწილებს თავის ბარტყებს. ნადირობს ძირითადად თაგვისებურ მღრღნელებზე. რომელთა დიდი რაოდენობით განადგურებით სახალხო მეურნეობისათვის საგრძნობი სარგებლობა მოაქვს. გარდა ამისა, ალალი თავს ესხმის მცირე ზომის ფრინველებსაც: ტოროლას, შაშვს, ნიბლიას, გრატას, ბეღურას, მწყერს და სხვ.

ცნობილია ალალის რამდენიმე ქვესახე, რომელთაგან საქართველოში მოიპოვებაჩვეულებრივი ალალი – 

მარჯანი გავრცელებულია ევროპაში, აზიასა და აფრიკაში. საქართველოში მოიპოვება თითქმის ყველგან, ვერტიკალურად აღწევს 3050 მ-მდე ზ.დ.

მეტწილად გვხვდება მთის ტყეებში, უღრან ტყეს ერიდება. უმეტესად ბინადრობს ტყის სანაპირო ზონაში, საიდანაც სარჩოს საძებრად იჭრება ველებსა და მინდვრებში.

ბუდეს იკეთებს ხეზე. ზოგჯერ კვერცხებს დებს ყვავის, კაჭკაჭის ან რომელიმე მტაცებელი ფრინველის მიტოვებულ ბუდეში. მაისის დამლევს დებს 3-4 კვერცხს. კრუხობის ხანგრძლივობა აღწევს 28 დღემდე. კრუხად ხანგამოშვებით ჯდება მამალიც. საკვებს შეადგენენ ფრინველები, რომელთაც მეტწილად იჭერს ფრენის დროს.

მარჯნის სახე აერთიანებს რამდენიმე ქვესახეს. რომელთაგან საქართველოში მოიპოვებაჩვეულებრივი მარჯანი – Falco subbuteo subbuteo