1998 წელს შეიქმნა კოლხეთის ეროვნული პარკი. და შემდეგ პარკის ტერიტორიები გააფართოვეს და ახლაც არაა ბოლომდე საზღვრები დადგენილი. მიუხედავად პარკის სტატუსის მინიჭებისა ამ ტერიტორიებს არანაირი ცვლილება არ განუცდია. თუმცა სახელმწიფო ბიუჯეტი მილიონობით ლარს ხარჯავს ვითომდა პარკის დაცვის მიზნით. ფაუნიდან აქ დასაცავი არის ენდემური წვრილი ძუძუმწოვრები: აღმოსავლეთევროპული
ზღარბი (Erinaceus concolor), კავკასიური თხუნელა (Talpa caucasica), ჯუჯა ღამორი (Pipistrellus pipistrellus), ჩვეულებრივი ფრთაგრძელი (Miniopterus schreibersii), მცირე ტყის თაგვი (Sylvamus uralensis), კავკასიური ტყის თაგვი (Sylvaemus fulvipectus). ამ ცხოველებზე ნადირობა ისედაც არ ხდებოდა გამომდინარე იქედან რომ ესენი არ წარმოადგენენ სანადირო ობიექტებს. ამ ტერიტორიებზე ნადირობა ხდებოდა მხოლოდ გადამფრენ ფრინველებზე როგორიცაა: იხვი, ბატი. ტყის ქათამი. რასაკვირველია ბრაკონიერული შემთხვევები ხდებოდა. მაგრამ ამას ახლაც აქვს ადგილი, მიუხედავად პარკის სტატუსისა. ბრაკონიერული ფაქტების აღსაკვეთად ძალიან ეფექტური იქნებოდა ნანადირევით ვაჭრობის აკრძალვა. ნაცვლად იმისა, რომ ბრაკონიერობას ებრძოლონ, ებრძვიან წესიერ და კანონმორჩილ მონადირეებს. ყველა სანადირო სავარგული ამ პარკის საზღვრებში მოაქციეს. ამით ნადრობა, როგორც არამატერიალური კულტურული მემკვიდრეობა აკრძალეს. ჩვენ კანონმორჩილი მონადირეები ვითხოვთ სანადირო სავარგულები დარჩეს მონადირეებს. ჩვენ ვითხოვთ ნადირობის უფლებას!!!