მთავარი » 2018 » ივნისი » 25 » ჩატარდა კლუბ "ბაზიერის" ღია ჩემპიონატი სპორტინგში
00:16:12
ჩატარდა კლუბ "ბაზიერის" ღია ჩემპიონატი სპორტინგში
თბილისში, ლისის ტბის მიმდებარე ტარიტორიაზე ჩატარდა ღია ჩემპიონატი სპორტინგში, რომლის ორგანიზატორიც გახლდათ მონადირეთა და მეთევზეთა კლუბი "ბაზიერი".
შეჯიბრის დაწყებამდე გამოცხადდა წუთიერი დუმილი გარდაცვილი ქართველი მესტენდურის ბატონი შოთა თავაძის საპატივცემულოდ.
შეჯიბრში მონაწილეობა 35-მა მსროლელმა მიიღო. მსროლელებმა შეასრულეს 30 გასროლა 30 თეფშზე, რის შედეგადაც გამოვლინდა 6 ფინალისტი. თუმცა 6 ფინალისტის გამოსავლენად აუცილებელი გახდა გადასროლა, ვინაიდან მეექვსე-მექთე ადგილილები 4-მა მონაწილემ გაიყო თანაბარი ქულებით. შეგახსენებთ, რომ გადასროლისას მონაწილეები ისვრიან პირველ აცდენამდე სანამ ვაკანტური ფინალური საგზურის მფლობელი არ გამოვლინდება.
გადასროლის შედეგად გამოვლინდა კიდევ ერთი, უკანასკნელი ფინალისტი :
ფინალში მონაწილეებს გადაჰყვათ პირველ სერიაში (30 თეფში) მოპოვებული ქულები და გამარჯვებულის ვინაობა
ფინალურმა 10-მა გასროლამ გამოავლინა. აღსანიშნავია ის ფაქტი, რომ გამარჯვებულის ვინაობა უკანასკნელ გასროლამდე უცნობი იყო და ინტრიგაც შეჯიბრს ბოლომდე მიჰყვა.
საფინალო შედეგები ესეთია:
1) არჩილ სარჯველაძე
2) ლევან ჩუგუაშვილი
3) გიორგი ვარდოსანიძე
4) თეიმურაზ ადომლიშვილი
5) მირზა გოგბერაშვილი
6) აკო გულუა
ტურნირი გამორჩეული იყო იმ მხრივ, რომ შეჯიბრზე გამოვიდა არაერთი ახალბედა მსროლელი, ვინც საკმაოდ კარგი შედეგი აჩვენა.
იყო ახალი საინტერესო და მრავალფეროვანი პიზიციები. დაჯილდოვდნენ სხვადასსხვა ნომინაციაში გამარჯვებულები სამახსოვრი სიგელებითა და პრიზებით.
ფინალისტებს და მთავარ მსაჯს გადაეცათ სამახსოვრო პრიზები და ასევე უმაღლესი ხარისხის ქართული ღვინეობი შეჯიბრის სპონსორ "მეღვინეობა ხარებასგან".
ეს შეჯიბრი და ყველა მომდევნო შეჯიბრი ეძღვნება ბატონ შოთა თავაძეს.
ყველას დიდი მადლობა ვინც კი მიიღო ღონისძიებაში მონაწილეობა!
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
gogita12 გავიხსენოთ "ბაზიერის" პირველი ტურნირი ❤ 
⬆️
