პატარა ძაღლებს ისევე, როგორც ბავშვებს ამოსდით და ეზრდებათ სარძევე კბილები, ექავებათ ღრძილები, უნდათ ყველაფერს გაუსინჯონ გემო. ლეკვები დაუწყებენ ხვრას ყველაფერს, რაც თვალში მოხვდებათ, მათ შორის ავეჯიც.
ლეკვები სარძევე კბილებს 6-8 თვეში იცვლიან. როგორ გადავაჩვიოთ ავეჯის ღრღნას დროის ამ მონაკვეთში?
1. აუცილებელია მივცეთ მას ე.წ. საკბენი ობიექტი. ამასთან, უნდა გვესმოდეს, რომ არ უნდა მივცეთ ლეკვს რეზინის, ან რბილი სათამაშო, რადგან მას აქვს ძალიან ბასრი კბილები, ის მათ სწრაფად დაგლეჯს და მოგიწევთ სხვა სათამაშოს ხელახლა ყიდვა. ამისთვის მშვენივრად გამოდგება სპეციალური ძვლები ძაღლებისთვის, ან პლასტიკატის სათამაშოები.
2. ასევე, იმისათვის, რომ ნელ-ნელა გადავაჩვიოთ ლეკვი ავეჯის ხვრას, აუცილებელია, ღეჭვისთვის გამოსაყენებელი ნივთები მოვაცილოთ ცხოველის მზერის არიდან. ფეხსაცმელი უმჯობესია კარადაში შევინახოთ, ან იქ, სადაც ძაღლი ვერ მისწვდება. ბავშვების სათამაშოები საჭიროა მოაცილოთ რაც შეიძლება შორს. კარადის ყველა კარი დაკეტილი უნდა იყოს, ხოლო დივანის, სავარძელისა და მსგავსთა კუთხეებს სჯობს დაახვიოთ პოლიეთილენი, ან ცელოფანი. ამის გაკეთება არ მოგიწევთ მუდმივად. ეს საჭიროა გაკეთდეს მხოლოდ იმ მომენტამდე, სანამ თქვენი ბინადარი დაკარგავს ღეჭვის ინტერესს. ასევე მოქმედი საშუალებაა ძაღლის სახლში გადაადგილების შეზღუდვა. ოთახები, სადაც არის ავეჯი, აუცილებელია იყოს დაკეტილი. ასე შესაძლებელი იქნება ავეჯის დაღრღნისგან თავის დაღწევა იმ დროს, როდესაც სახლში არ ხართ.
3. იმისთვის, რომ გადააჩვიოთ ლეკვი ავეჯის ხვრას, უნდა ანახვოთ ნივთები, რომლის დახვრაც ნამდვილად შეიძლება და მიაჩვიოთ მათ. მაგალითად, ლეკვმა დაიწყო კბილების ლესვა სავარძლის სახელურზე, აუცილებელია მაშინვე წამოარტყათ მსუბუქად, მისცეთ ბრძანება "არ შეიძლება" და მაშინვე მისცეთ სათამაშო, რომელიც შეუძლია, დახრას, ასევე შეაქოთ ბინადარი იმისთვის, რომ დაგიჯერათ. ძაღლის საჭირო საგანზე გადაყვანით თქვენ ნელ-ნელა გადაიტანთ მის ყურადღებას ავეჯიდან და მთლიანად გადართავთ მას ღეჭვისთვის სპეციალურად განკუთვნილ სათამაშოებზე. მათთან აუცილებელია საუბარი მყარი და მშვიდი ტონით. ეცადეთ არ შეაშინოთ.
4. უნდა იყოთ თანმიმდევრული. ოჯახის ყოველი წევრი აქტიურად მონაწილეობდეს ძაღლის გაზრდაში. ასწავლეთ ნათესავებს თავისი ნივთები შეინახონ თქვენი ბინადარის სათამაშოებისგან მოშორებით, რომ არ მოხდეს მათი დაზიანება. ასევე სჭიროა გადაწყვიტოთ, კიდევ რა მეთოდებს გამოიყენებთ ლეკვის დასჯის დროს, რომ გადააჩვიოთ იგი ავეჯის დაზიანებას.
5. არასოდეს მისცეთ უფლება ლეკვს გიკბინოთ. უნდა ასწავლოთ თქვენს ბინადარს სერიოზულად აღიქვას თქვენი ბრძანებები, მხოლოდ ასეთ შემთხვევაში ძაღლი დაგიჯერებთ და დაემორჩილება თქვენს ბრძანებებს მაშინვე, როგორც კი წარმოთქვამთ.
წყარო: http://zooclub.ge
|
gogita12 გავიხსენოთ "ბაზიერის" პირველი ტურნირი ❤ 
