უი­ლი­ამ დამ­პყრობ­ლის მი­ერ ინ­გლის­ში ჩა­მოყ­ვა­ნი­ლი სე­რი­ო­ზუ­ლი გა­მო­მეტყ­ვე­ლე­ბის მქო­ნე ბლად­ჰა­უნ­დი ლი­ტე­რა­ტუ­რა­სა და ლე­გენ­დებ­ში შე­ვი­და, რო­გორც მე­ძე­ბა­რი ძაღ­ლის არ­ქე­ტი­პი. ეს ძაღ­ლი მსხვერპლს არა­სო­დეს კლავს. ბლად­ჰა­უნ­დის წი­ნაპ­რე­ბი VIII სა­უ­კუ­ნე­ში ბელ­გი­ა­ში ცხოვ­რობ­დნენ. ამ ძაღლს ფლა­მან­დი­ურ მე­ძე­ბარ­საც უწო­დე­ბენ. მას შე­უძ­ლია აი­ღოს ნე­ბის­მი­ე­რი სუ­ნი, ადა­მი­ა­ნი­საც კი, რაც იშ­ვი­ა­თად ახა­სი­ა­თებთ ძაღ­ლებს. მგრძნო­ბი­ა­რე, წყნა­რი და მორ­ცხვი ბლად­ჰა­უნ­დი თა­ვი­სი პატ­რო­ნის ერ­თგუ­ლი ხდე­ბა და კარ­გად ეწყ­ო­ბა რო­გორც ადა­მი­ა­ნებს, ასე­ვე სხვა ძაღ­ლებ­საც. ის იშ­ვი­ა­თად ავ­ლენს სი­ა­ვეს. მაგ­რამ თუ რო­მე­ლიმ­ე სუ­ნით და­ინ­ტე­რეს­დე­ბა, უმარ­თა­ვი ხდე­ბა და ბრძა­ნე­ბებს აღარ ემორ­ჩი­ლე­ბა. ჯი­ში მიდ­რე­კი­ლია მე­ტე­ო­რიზ­მის­კენ, ამი­ტომ აჭა­მეთ დღე­ში ორ­-სამ­ჯერ და ცოტ­-ცო­ტა. 

იმი­სათ­ვის, რომ ზრდასრულ ბლად­ჰა­უნ­დს კვალის აღების ჩვევა კარგად განუვითარდეს, მი­სი წვრთნა უნ­და და­იწყ­ოთ ად­რე­უ­ლი ასა­კი­დან. მენჯ-ბარძაყის სახსრის დის­პლა­ზი­ის­კენ მიდ­რე­კი­ლე­ბის გა­მო ბლად­ჰა­უნ­დი ლეკ­ვო­ბი­დან­ვე უნ­და უზ­რუნ­ველ­ყოთ რბი­ლი სა­წო­ლით, რომ სახ­სრებ­ზე კოჟ­რე­ბი არ გა­უჩ­ნდეს.

ბეწ­ვი 
მოკ­ლე და სქე­ლი, ერ­თი­ა­ნად წი­თური ან ჩა­ლის­ფე­რი, შა­ვი ან ღვიძ­ლის­ფე­რი ლა­ქე­ბით.

ტა­ნი 
გრძე­ლი და ღო­ნი­ე­რი; ის უფ­რო ამ­ტა­ნად გა­მო­ი­ყუ­რე­ბა, ვიდ­რე სი­ნამ­დვი­ლე­ში­ა.

კუ­დი
გრძე­ლი და ვიწ­რო.

თვა­ლე­ბი
ძირითადად, მუ­ქი ან ღია თაფ­ლის­ფე­რი.

ცხვი­რი
ტყა­ვი­სებ­რი, შა­ვი ფე­რის, დი­დი, ღია ნეს­ტო­ე­ბით.

სა­ხე 
გრძე­ლი და ფარ­თო, დი­დე­ბუ­ლე­ბი­სა და ღირ­სე­ბის გა­მომ­ხატ­ვე­ლი გა­მო­მეტყ­ვე­ლე­ბით. რო­ცა თავდახ­რი­ლი­ა, კა­ნი ეშ­ვე­ბა და ნა­კე­ცე­ბად ეკი­დე­ბა, გან­სა­კუთ­რე­ბით შუბ­ლსა და ლო­ყებ­ზე.

კანი
მოშვებულია. მისი ფართობი ტანის ზედაპირის ფართობს გაცილებით აღემატება.

ფე­ხე­ბი
წი­ნა ფე­ხე­ბი აქვს სწო­რი და დი­დი, უკა­ნა ფე­ხე­ბი – მე­ტად და­კუნ­თუ­ლი.

თათები
ძლი­ე­რი და გა­მოკ­ვე­თი­ლი თითე­ბის სახ­სრე­ბით.



იცით, რომ...
ბლად­ჰა­უნ­დი "სის­ხლის მეძებარს" ნიშ­ნავს, მაგ­რამ ეს სახელი უფრო მი­ა­ნიშ­ნებს მის არის­ტოკ­რა­ტიულ წარ­მო­შო­ბაზე, რად­გა­ნაც იგი დღემ­დე შე­მო­ნა­ხუ­ლი სუფ­თა სის­ხლის ძაღ­ლი­ა.
მი­სი ბეწ­ვის მოვ­ლა ად­ვი­ლია მა­გარი ჯაგ­რი­სით. აბა­ნა­ვეთ მხო­ლოდ აუ­ცი­ლებ­ლო­ბის შემ­თხვე­ვა­ში. გაწ­მინ­დეთ უხე­ში პირ­სა­ხო­ცით ან ნატით, იმი­სათ­ვის, რომ ბეწ­ვმა იპ­რი­ა­ლოს.
ცო­ტა გა­საკ­ვი­რი­ა, რომ სერიოზული, დაფიქრებული გამომეტყველების ბლად­ჰა­უნ­დი, მულტფილმებისა და ფილმების ისეთი პერსონაჟების გვერდით აღმოჩნდა, რო­გო­რი­ც არიან: პლუ­ტო – მი­კი მა­უ­სის საყ­ვა­რე­ლი ძაღ­ლი, ჰაკ­ლბე­რი ჰა­უნ­დი და სხვ. ბლად­ჰა­უნ­დებს უყ­ვართ სირ­ბი­ლი და ესა­ჭი­რო­ე­ბათ ბევ­რი ვარ­ჯი­ში. გა­შ­ლი­ლი მინ­დორ­ვე­ლი, სა­დაც ერ­თმა­ნეთ­ში ირე­ვა სხვა­დას­ხვა სურ­ნე­ლი, ამ ძაღ­ლს უდიდეს სიამოვნებას ანიჭებს.


მონაცემები:
წარმოშობა – ბელგია
მთავ. დანიშნულება – კვალის აღება
ტემპერამენტი – წყნარი, მგრძნობიარე
სიც. ხანგრძლივობა – 8-10 წელი
მოვლა – მინიმალური
ვარჯიში – ინტენსიური
მოდარაჯე – არაეფექტური

ხვადი
41-43 სმ; 
10-12 კგ
ძუ
38-41 სმ; 
9-10 კგ