გადამფრენ ფრინველებზე ნადირობის სეზონი 16 აგვისტოს დაიწყება. საქართველოს გარემოსა და ბუნებრივი რესურსების დაცვის სამინისტროში მინისტრის პირველმა მოადგილემ თეიმურაზ მურღულიამ ნადირობის სეზონის გახსნასთან დაკავშირებით ბრიფინგი გამართა. ნადირობის მსურველებმა თან უნდა იქონიონ გარემოდან გადამფრენი ფრინველების ამოღებაზე დაწესებული მოსაკრებლის (10 ლარი) გადახდის დამადასტურებელი ქვითარი, რომელიც მთელი სეზონის განმავლობაში მოქმედებს, ასევე საქართველოს შსს-ს შესაბამისი ორგანოს მიერ გაცემული სანადირო თოფის შენახვისა და ტარების უფლების დამადასტურებელი დოკუმენტი. მოსაკრებლის გადახდა საქართველოს ნებისმიერ ბანკშია შესაძლებელი. გარემოსა და ბუნებრივი რესურსების დაცვის სამინისტრომ ასევე დაადგინა ნადირობის დღიური ლიმიტები.
სახელმწიფო ნაკრძალებსა და ეროვნულ პარკებში, ასევე მათ გარშემო 500-მეტრიან ზონაში და საქართველოს ქალაქების ადმინისტრაციულ საზღვრებში ნადირობა იკრძალება.
ნადირობის წესების დარღვევა გამოიწვევს დაჯარიმებას 100 ლარიდან 500 ლარამდე, მოპოვებული ობიექტისა და სანადირო იარაღის ან/და მოწყობილობის კონფისკაციით ან უამისოდ.
რო წერია გარემოს დაცვის საიტის მთავარ გვერდზე დამტკიცდა ფრონველთა ლიმიტები, თქვე კაი ხალხო (გდს-ს საიტის ადმინისტრაცია) სამინისტროს საიტია და მიაწერეთ რამდენი ლიმიტი დამტკიცდა,გარემოს დაცვის სამინისტროს საიტზე არაფერი წერია სანადიროდ ლეგალურ ფრინველებზე და მათ ლიმიტებზე...ყველამ ხო არ იცის?! მონადირის საიტზე უნდა ეცნობოდნენ ამ ინფორმაციას ?
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
gogita12 გავიხსენოთ "ბაზიერის" პირველი ტურნირი ❤ 
