ისლანდიაში უზარმაზარი ტერიტორია მკვდარი ქაშაყით მოიფინა. ჯერ უცნობია, რა გახდა თევზის მასობრივი ამოწყვეტის მიზეზი, მაგრამ დღევანდელი შემაძრწუნებელი აღმოჩენა ბოლო ორი თვის განმავლობაში უკვე მეორეა.
მკვდარი ქაშაყი, რომელიც დაახლოებით 25000-30000 ტონას იწონის, ხოლო ღირებულება 18.9 მილიონს აღწევს, Snæfellsnes-ის ნახევარკუნძულის ჩრდილოეთ ნაწილის ფიორდზე იპოვეს. ბიოლოგი რობერტ არნან სტეფანსონი მიიჩნევს, რომ 7000 ტონა ქაშაყით მოფენილია მთელი სანაპირო და ამაზე მეტი კიდევ ფიორდის ფსკერზე მდებარეობს. ეს ახალი მასობრივი ამოწყვეტა, როგორც მიიჩნევენ, ფიორდში ჟანგბადის უკმარისობამ გამოიწვია, რაც, თავის მხრივ, 2004 წელს ფიორდზე გადებული ხიდის მშენებლობასა და მისგან გამოწვეულ სანაგვეს უკავშირდება.
ისლანდიის საზღვაო-კვლევითმა ინსტიტუტი გეგმავს ეწვიოს თევზის მასობრივი დაღუპვის ადგილს და შეაგროვოს ყველა აუცილებელი ინფორმაცია, რამაც თევის ამოწყვეტა გამოიწვია. მთავრობა დათანხმდა გამოჰყოს თანხა კვლევებსა და სიტუაციის მონიტორინგზე.
მეზობელ სოფელ Grundarfjorour-ში მარტო დილის განმავლობაში 30 ტონამდე თევზი შეაგროვეს გასაყიდად, რადგან იქ მკვდარ თევზს შინაურ ცხოველებს აჭმევენ, რამაც სოფელს 1000 ევრომდე მოგება მოუტანა. ღია ცის ქვეშ დატოვებულმა მკვდარიმა ქაშაყმა მალე ბუნებრივი ლპობა დაიწყო. ადგილობრივი მცხოვრებლები უკვე აუტანელ სიმყრალეს უჩივიან. ათასობით ფრინველი მოფრინავს ამ ადგილებში თევზების ასაკენკად. მაგრამ არსებობს საშიშროება იმისა, რომ დამპალი და გახრწნილი ქაშაყის ცხიმი უკვე შესაძლოა უახლოეს კვირეებსა თუ თვეებში ფრინველის მასობრივი დაცემის მიზეზი გახდეს. თევზის მრეწველობა ისლანდიის ეკონომიკის ერთ-ერთი უმნიშვნელოვანესი ნაწილია. სწორედ თევზის მრეწველობაზე მოდის ქვეყნის საექსპორტო მოცულობის ნახევარზე მეტი.
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
gogita12 გავიხსენოთ "ბაზიერის" პირველი ტურნირი ❤ 
