გიორგი ზედგინიძე 2009 წლიდან დღემდე  გარემოს დაცვის მინისტრის გოგა ხაჩიძის მოადგილე იყო. იქამდე, 2008-2009 წლებში ზედგინიძე  საქართველოს განათლებისა და მეცნიერების სამინისტროში, პროგრამების დეპარტამენტის უფროსად მუშაობდა.

შეგახსენებთ, რომ თანამდებობის დატოვების შესახებ განცხადება გოგა ხაჩიძემ 01 სექტემბერს გააკეთა.  ხაჩიძე "ნაციონალური მოძრაობის" პარტიულ სიაში 32-ე ნომრად შევიდა.

გიორგი ზედგინიძე

დაბადების თარიღი:
23.01.1983

განათლება:

2008 წელს დაამთავრა ჰარვარდის უნივერსიტეტის განათლების პოლიტიკის მაგისტრატურა.

2007 წელს გაიარა აკადემიური მომზადება თურქეთში ბილგის უნივერსიტეტში.

2006 წელს გაიარა კურსი პროფესიული განათლების განვითარების (NISPED) ინსტიტუტში, ისრაელში.

2004 წელს სტუდენტთა ერთწლიანი გაცვლითი პროგრამით სწავლობდა ამერიკულ უნივერსიტეტში, ვაშინგტონში და უინთროპის უნივერსიტეტში სამხრეთ კაროლინას შტატში.

2003 წელს დაამთავრა ივ. ჯავახიშვილის სახელობის თბილისის სახელმწიფო უნივერსიტეტის მესხეთის ფილიალის უცხო ენათა ფაკულტეტი.

შრომითი საქმიანობა:

2012 წლის 31 აგვისტოდან   არის საქართველოს გარემოს დაცვის მინისტრი.

2009(12)-2012(08) წლებში იყო საქართველოს გარემოს დაცვის მინისტრის მოადგილე.

2008 წლიდან მუშაობს ილია ჭავჭავაძის სახელმწიფო უნივერსიტეტის ასისტენტ პროფესორად.

2008(06)-2009(12) წლებში მუშაობდა საქართველოს განათლებისა და მეცნიერების სამინისტროში პროგრამების დეპარტამენტის უფროსად (აპრილამდე მოადგილედ).

2007-2008 წლებში მუშაობდა ჰარვარდის უნივერსიტეტში განათლების უმაღლესი სკოლის სტუდენტთა მომსახურების ოფისში საერთაშორისო  ურთიერთობების კოორდინატორად.

2006-2007  წლებში მუშაობდა განათლების აკრედიტაციის ეროვნულ ცენტრში ევროპული ინტეგრაციისა და სტუდენტთა მობილობის სამმართველოს უფროსად.

2005-2006 წლებში მუშაობდა განათლებისა და მეცნიერების სამინისტროს ახალციხის საგანმანათლებლო რესურსცენტრის დირექტორად.

2001-2003 წლებში მუშაობდა მშვიდობის კორპუსში ენებისა და კულტურათაშორისი დიალოგის განვითარების ფასილიტატორად.

ფლობს ინგლისურ, რუსულ და სომხურ ენებს.