მოკლედ მინდა მოგითხროთ კომპანიაზე, რომელიც არა ღარიბი და ნიჭიერი ოსტატის მიერ იყო დაფუძნებული(როგორც კომპანიათა დიდი ნაწილი), არამედ ქალაქის მმართველის მიერ...
Ludwig Borovnik
1848 წელს ავსტრიის ქალაქ ფერლახის ბურგომისტრმა ლუდვიგ ბოროვნიკმა(მაშინ 24 წლის იყო) თავისი საიარაღო საამქრო დააფუძნა. საწარმო თავიდანვე ელიტ კლასის შტუცერების წარმოებაზე იყო ორიენტირებული. ბოროვნიკი თავისი არსებობის 160 წლის მანძილზე არ ღალატობს ავსტრიული იარაღისათვის დამახასიათებელ უმაღლეს ხარისხს, სტილსა და დიზაინს. თოფები ელეგანტურებია და გამოირჩევიან ძალიან მაღალი სიზუსტით. საწარმოს მართვა თაობიდან თაობაში ოჯახის წევრებზე გადადის. მათ შორის უმეტესობა ლუდვიგ ბოროვნიკია. საწარმოში ნებისმიერი სახის სანადირო იარაღის შეკვეთაა შესაძლებელი ლულათა სხვადასხვა კომბინაციით. ამასთან თითოეული ეგზემპლიარი ინდივიდუალიზმითაა გაჟღენთილი. ლითონი მხოლოდ უმაღლესი ხარისხის ფოლადია, ხოლო ხე კი მხოლოდ ელიტარული კაკალი, რომელიც საწარმოს საწყობებში მინიმუმ 20 წელი ყოვნდება. ამ ხნის მანძილზე მასალა იძენს იმ თვისებებს, რომლებიც შემდგომი დამუშავებისას საუკეთესო შედეგს იძლევა.
ბოროვნიკის თოფებზე გრავირებას ავსტრიის საუკეთესო ოსტატები ასრულებენ(მაგ. ობილჩინიგი), რომლებიც სხვადასხვა სტილს გამოიყენებენ, უფრო მეტად კი ღრმა გრავირებას. გრავირებისას ხშირად გამოიყენება ოქროს ინკუსტაცია.
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
gogita12 გავიხსენოთ "ბაზიერის" პირველი ტურნირი ❤ 
