ბელორუსიაში 2011 წლის 1 მაისიდან 30 სექტემბრის ჩათვლით 18 საათიდან 9 საათამდე დაშვებულია ნადირობა ზრდასრულ ტახებზე, ხოლო 2 წლამდე ღორებზე - განურჩევლად სქესისა ცეცხლსასროლი იარაღის გამოყენებით საფრიდან და მისვლით, ანუ მიპარვით (с подхода).

უკრაინამ აკრძალა ელექტროანკესებისა და ხაფანგების იმპორტი

12 მაისს უკრაინის უმაღლესმა რადამ შეიტანა ცვლილებები კანონში ”ცხოველთა სამყაროს შესახებ”. შესაბამის კანონპროექტს მხარი დაუჭირა 284 დეპუტატმა, იქ სადაც, მინიმალური აუცილებელი ხმების რაოდენობა 226 იყო. კერძოდ, პარლამენტმა აკრძალა ელექტროანკესების, სინთეთიკური ბადეების (გარდა იმ ბადეებისა, რომლებიც გამოიყენება სამრეწველო თევზჭერისას) და ხაფანგების იმპორტი.

კანონის თანახმად, იკრძალება სანადიროდ და სათევზაოდ მოწამლული სატყუარების, მავრთულხლართული, მახრჩობელა და ხაფანგისებრი დამჭერი საშუალებების, ელექტროანკესების, ფეთქებადი ნივთიერებების, ფრინველის წებოსა და სინთეთიკური ბადეების დამზადება, რეალიზაცია და გამოყენება.