12 აპრილს თბილისის ზღვის მიმდებარე ორ ჰექტარ ტერიტორიაზე კედარისა და ფიჭვის 500 ძირი ნერგი დაირგო. გამწვანების აქციაში სრულიად საქართველოს კათოლიკოს–პატრიარქმა, თბილისს მერმა, საკრებულოს წევრებმა და სასულიერო აკადემიის სტუდენტებმა მიიღეს მონაწილეობა.

დედაქალაქში ეკოლოგიური მდგომარეობის გაუმჯობესების მიზნით, პატრიარქის კურთხევით უკვე მეორე წელია დედაქალქის გამწვანება მიმდინარეობს.
თბილისის მერმა გიგი უგულავამ გამწვანების აქციაზე მისული პატრიარქისგან საჩუქრად წმინდა ნიკოლოზის ოქროს მედალიონი მიიღო.

პატრიარქმა დღეს საქართველოს მოსახლეობას კიდევ ერთხელ მოუწოდა, რომ წელიწადში ადამიანმა 12 ძირი ხე უნდა დარგოს. თბილისის ზღვის მიმდებარე ტერიტორიაზე გაზაფხულზე სულ 2 ათასზე მეტი ხე–მცენარე დაირგვება. ქალაქის გამწვანება ეტაპობრივად მიმდინარეობს. თბილისის მერიის ინიციატივით, მარტო ერთი წლის განმავლობაში, 60 ათასამდე ხე დაირგო.

15 აპრილს აქციაში 51–ე საჯარო სკოლის მოსწავლეებიც ჩაერთნენ. პირველი და მერვე კლასის მოსწავლეებმა ვერის პარკში 15 ძირი სხვადასხვა ჯიშის ხე დარგეს.

მათთან ერთად ხეებს მანდატურები და სკოლის პეგდაგოგებიც რგავდნენ. ხეების დარგვის შემდეგ განათლების სამინისტროს და სკოლის ერთობლივი ინიციატივით მოსწვალეები ვერის პარკის ტერიტორიასაც დაასუფთვებენ.

გამწვანების აქცია მთელი საქართველოს მასშტაბით პატრიარქის ლოცვა–კურთხევით მიმდინარეობს.

გუშინ, 17 აპრილს დიდ დიღომში, 186-ე საჯარო სკოლაში დედამიწის დღისადმი მიძღვნილი გამწვანების აქცია მოეწყო.

აქციის ფარგლებში, სხვადასხვა ჯიშის ნერგები, ბუჩქები და ყვავილები დაირგო. ასევე, გაიმართა სკოლის მოსწავლეების კონცერტიც.

ღონისძიება კლიმატის ცვლილებებთან ადაპტაციისა და ბუნებრივი კატასტროფების რისკების შემცირების პროექტის ფარგლებში განხორციელდა. მასში მონაწილეობა ნებისმიერ მსურველს შეეძლო.

განაშენიანების აქცია კავკასიის გარემოსდაცვითი არასამთავრობო ორგანიზაციების ქსელმა ამერიკის შეერთებული შტატების საელჩოსთან და საერთაშორისო განვითარების სააგენტოსთან ერთად მოაწყო.

1tv.ge-ს მასალებიდან