გთავაზობთ ინფორმაციას ძაღლების ვაქცინებსა და აცრებზე. ისინი ყოველ ძაღლს უნდა გაუკეთდეს. ასევე, წაიკითხავთ რეკომენდაციებს, თუ როგორ უნდა მიხედოთ ძაღლს ვაქცინაციის შემდეგ. აცრების გრაფიკი ასაკისა და სეზონის მიხედვით 1-ლი აცრის ჩატარება ლეკვისთვის სასურველია 1.5-2 თვის ასაკში. ყველაზე ხშირად ლეკვს სწორედ 2 თვის ასაკში ცრიან, რადგან ამ დრომდე მას ჯერ კიდევ დედის მიერ გადმოცემული იმუნიტეტი უყალიბდება, მაგრამ თუ ლეკვი დედას ადრე დააშორეს, ან საერთოდაც, ხელოვნური კვებითაა გამოზრდილი, მაშინ აცრის გაკეთება 1.5 თვის ასაკში შეიძლება. აუცილებელია ამ აცრის გაკეთება ჭირისგან თავის დასაცავად, რადგან ამ დაავადებისგან ლეკვები ხშირად იღუპებიან. მეორე ვაქცინაციის ჩატარება საჭიროა პირველი აცრიდან არაუგვიანეს 2 კვირისა. მესამე აცრა ძაღლებს უკეთდებათ მაშინ, როდესაც მათ უკვე ყველა სარძევე კბილი მოიცვალეს. ეს დაახლოებით 6 თვის შემდეგ ხდება. კბილების შეცვლის შემდეგ ლეკვისთვის აუცილებელია ცოფის საწინააღმდეგო აცრის გაკეთება. შემდეგი ვაქცინაცია კეთდება 1 წლის შემდეგ, 1.5 წლის ასაკში. ამის შემდეგ აცრები შეუწვეტლივ კეთდება ერთი წლის ინტერვალით. ვაქცინაციების ეს გრაფიკი სხვადასხვა ვეტერინარულ კლინიკაში უმნიშვნელოდ იცვლება. აღსანიშნავია, რომ ყოველი ვაქცინაციის წინ, დაგეგმილ დღემდე 10-14 დღით ადრე ძაღლი აუცილებლად უნდა დავამუშაოთ ჭიებზე. აცრის შემდეგ, პირველი სამი დღის მანძილზე, იგი არ უნდა დავღალოთ ან შევაშფოთოთ. შემდგომი 10 დღის მანძილზე, ის შეიძლება იყოს ცოტა დუნე და აპათიურად განწყობილი, ნუ იღელვებთ ამის გამო, ეს აცრის შემდეგი რეაქციაა. სხეულის ტემპერატურის უმნიშვნელო მომატება ასევე ჩვეულებრივი მოვლენაა. მეორე აცრის შემდეგ ძაღლთან ერთად უკვე შეიძლება სეირნობა და მისი სათამაშოდ გაშვება სხვა ჯანმრთელ ძაღლებთან ერთად. თუმცა, უკეთესია, თუ უსახლკარო და დაავადებულ ძაღლებს, ყველა აცრის გაკეთებამდე, დროებით მოარიდებთ. ასევე, აცრიდან 2 კვირის მანძილზე კარგი იქნება, თუ ლეკვთან ერთად აქტიური სეირნობისგან თავს შეკავებთ. მიეცით მათ დრო იძინონ რამდენიც გაუხარდებათ, რადგან მათი იმუნიტეტი ამ პერიოდში ჯერ კიდევ დაბალია. თუ საკუთარი სახლი გაქვთ ან არის შესაძლებლობა, რომ ლეკვი მოკლე ტერიტორიაზე ხელში აყვანილმა გაასეირნოთ (5-10 წუთის მანძილზე), არ დაღალოთ ის სირბილით და არ დასვათ მიწაზე. მისი გასეირნება პირველი აცრიდანვე შეიძლება ერთი პირობით, თუ ლეკვს სხვა ცხოველებთან და ბაქტერიებთან ურთიერთობის უფლებას არ მისცემთ. 1-ლი და მე-2 აცრის შემდეგ ლეკვის ტარება საჭიროა ხელით ან უმჯობესია ვეტერინარის გამოძახება სახლში.
წყარო: http://www.zooclub.ge/dzaghli/movla/1712-lekvis-acrebi-grafiki-asakisa-da-sezonebis-mikhedvith.html
|
gogita12 გავიხსენოთ "ბაზიერის" პირველი ტურნირი ❤ 
