გარემოსდაცვითი ზედამხედველობის დეპარტამენტის სამეგრელო-ზემო სვანეთის სამმართველოს გარემოსდაცვითი სწრაფი რეაგირების განყოფილების თანამშრომლებმა უკანონო თევზჭერის 2 ფაქტი გამოავლინეს. ზუგდიდის მუნიციპალიტეტის სოფელ ჯიხაშკარში მდინარე ჭანისწყალზე და ხობის მუნიციპალიტეტის სოფელ პირველმაისში მდინარე მუნჩიაზე სამართალდამრღვევები ე.წ. ელექტროშოკური აპარატით თევზაობდნენ. სამართალდამრღვევებს ჩამოერთვათ სამართალდარღვევის ჩადენის იარაღები. შედგა ადმინისტრაციული სამართალდარღვევის ოქმები, ხოლო მასალები გადაეგზავნება შესაბამის რაიონულ სასამართლოს.
გარემოსდაცვითი ზედამხედველობის დეპარტამენტის კახეთის სამმართველოს გარემოსდაცვითი სწრაფი რეაგირების განყოფილების თანამშრომლებმა უკანონო თევზჭერის 5 ფაქტი გამოავლინეს. ახმეტის და ყვარლის მუნიციპალიტეტებში მდინარე ალაზანზე სამართალდამრღვევები თევზაობდნენ ე.წ. ელექტროშოკური აპარატით, სახლართი ბადით და მოსასმელი ბადით (ბადის სიგრძე და თვლის ზომა არ შეესაბამებოდა საქართველოს კანონმდებლობით დადგენილ თევზჭერისა და თევზის მარაგის დაცვის წესებს). გურჯაანის მუნიციპალიტეტის ტერიტორიაზე სამართალდამრღვევები გასაბერი ნავის საშუალებით ე.წ. სახლართი ბადით თევზაობდნენ. სამართალდამრღვევებს ჩამოერთვათ სამართალდარღვევის ჩადენის იარაღები. შედგა ადმინისტრაციული სამართალდარღვევის ოქმები, ხოლო მასალები გადაეგზავნება შესაბამის რაიონულ სასამართლოს.
გარემოსდაცვითი ზედამხედველობის დეპარტამენტის აღმოსავლეთ-ცენტრალური სამმართველოს შიდა ქართლის გარემოსდაცვითი სწრაფი რეაგირების განყოფილების თანამშრომლებმა უკანონო თევზჭერის ფაქტი გამოავლინეს. ქარელის მუნიციპალიტეტის სოფელ ახალსოფელში მდინარე მტკვარზე სამართალდამრღვევები ე.წ. ელექტროშოკური აპარატით თევზაობდნენ. შედგა აქტი. მასალები გადაეგზავნება შესაბამის ორგანოს.
გარემოსდაცვითი ზედამხედველობის დეპარტამენტის სამეგრელო-ზემო სვანეთის სამმართველოს თანამშრომლებმა უკანონო თევზჭერის 2 ფაქტი გამოავლინეს.
ზუგდიდის რაიონის სოფელ ანაკლიაში, დაცული ტერიტორიების ანაკლიას უბანზე, დაცული ტერიტორიების სააგენტოს თანამშრომლებთან ერთად ჩატარებული ერთობლივი ღონისძიების შედეგად, აღიკვეთა ელექტრო შოკური აპარატით თევზაობის ფაქტი.
ელექტრო შოკური აპარატით თევზაობის ფაქტი გამოვლინდა ხობის რაიონის სოფელ თორსის ტერიტორიაზეც, მდინარე მუნჩიაზე.
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
gogita12 გავიხსენოთ "ბაზიერის" პირველი ტურნირი ❤ 
