ძაღლი სახელად რალფი ავსტრალიის ქალაქ მელბურნში ბავშვთა საავადმყოფოში მუშაობს.

რალფი საავადმყოფოს ყოველ კვირას სპეციალური პროგრამის ფარგლებში სტუმრობს. ის პატარა პაციენტებს სიცოცხლის ხალისს უბრუნებს. რალფი ქიმიოთერაპიის დროს ზოგჯერ მათ გვერდით რჩება. 

რალფი 2 წლის კლაირ კოუვენბერგს ქირურგიული ოპერაციის შემდეგ სიარულში დაეხმარა. მან ასევე ღიმილი მოჰგვარა ერთი წლის ზეკე ჰარისონს, რომელსაც  სიცოცხლისათვის საშიში, იშვიათი გენეტიკური დაავადება აწუხებს. ძაღლი ყველას ძალიან უყვარს და განსაკუთრებით პაციენტების მშობლები არიან მადლიერნი.

"სიტყვები არ მყოფნის. როდესაც ჩემმა გოგონამ ოთახში რალფი დაინახა, სწრაფად წამოდგა და სიარული დაიწყო. ძალიან გამხიარულდა. სულ სეირნობა უნდა, ვერ გააჩერებთ", - ამბობს პატარას დედა.

მომზადებულია dailymail.co.uk- ის მიხედვით.