როგორც სამხრეთ ლატგალის მეტყევეობის სამონადირეო საქმეებისა და ხანძარსაწინააღმდეგო დაცვის ინჟინერმა დიმიტრი ლეონტიევმა განაცხადა, გაზაფხულის მოსვლასთან ერთად მონადირეების მთავარ ნადავლად იქცა თახვი (бобр).

ზუსტად გაზაფხულზე დგება ყველაზე ხელსაყრელი პირობები თახვის მოსანადირებლად, რომელიც ზარალს აყენებს გლეხობას და ზოგჯერ ტყეების მფლობელთაც. დათბობასთან ერთად დნება თოვლი, წარმოიქმნება ბევრი წყალი და თახვები იწყებენ მუშაობას თავიანთი დამბების გასამაგრებლად.

ლეონტიევის თქმით, ხანგრძლივი ზამთრის შემდეგ ცხოველები აქტიურად გამოდიან სოროებიდან დასანაყრებლად, რადგან ზამთრის განმავლობაში უმცირდებათ ქონის მარაგი ორგანიზმში. ამ მიზეზის გამო ნადირობის მოყვარულთ უადვილდებათ ჩასაფრება. აგრეთვე ლეონტიევმა მოყვა, რომ ხშირად ხდება ისე, რომ თახვები დამბების მშენებლობისას ტბორავენ მიწებს, რომლებიც თვითონ მონადირეებს ეკუთვნით. ასე რომ, ნადირობა, არც თუ ისე იშვიათად, გადაიზრდება ხოლმე ტერიტორიებისთვის ბრძოლაში.

1 მაისიდან 1 აგვისტომდე თახვებზე ნადირობა, მიუხედავად მათი რაოდენობის ზრდისა და ზარალისა, აიკრძალება ევროკავშირის დირექტივის შესაბამისად.