გასულ ოთხშაბათს კრასნოდარის ოლქის ლაბინსკის რაიონში კერძო მეურნეობაში ვეტერინარებმა გამოავლინეს აფრიკული ჭირის აფეთქების შემთხვევა, ვაზნესენსკის დასახლებაში დაფიქსირდა კერძო მეურნეობაში მყოფი 87-დან 2 ღორის სიკვდილიანობის ფაქტი.

”აფრიკული ღორის ჭირის” დიაგნოზის დადასტურების მიზნით პათოლოგიური მასალა გადაგზავნილია ქალაქ პოკროვის ლაბორატორიაში. ანალიზის პასუხები ცნობილი გახდება დაახლოებით 13 აპრილისათვის. აფრიკული ღორის ჭირის მორიგ აფეთქებასთან დაკავშირებით (მანამდე ვირუსი გამოვლენილ იქნა კრასნოდარის მხარის კრასნოარმეისკის, კურგანინსკის, სტარომინსკის, ნოვოპოკროვსკის და ტერმიუკსკის რაიონებში) ვაზნესენსკის დასახლებაში შემოღებულია საგანგებო მდგომარეობის რეჟიმი და ტარდება პროფილაქტიკური ღონისძიებების კომპლექსი დაავადების კერის აღმოსაფხვრელად.

სმოლენსკის ოლქში მდინარე კასპლის გაყინულ ზედაპირზე სახანძრო-მაშველთა ცენტრის თანამშრომლებმა აღმოაჩინეს 13 გადაგდებული მკვდარი ღორი. როგორც ჩანს ღორები გადაყარეს ხიდიდან. დათვალიერების შემდეგ აღმოჩნდა, რომ ღორები იყვნენ გამხდრები და დაახლოებით 6 თვის. რაიმე დაღი ან ნიშანი, რომლის მეშვეობითაც შესაძლო იქნებოდა მათი წარმომავლობის დადგენა, ვერ აღმოაჩინეს. ანალიზები გააგზავნეს ვლადიმირში აფრიკული ღორის ჭირის დიაგნოზის გამოსარიცხად. შემდეგ ღორის გვამები განადგურებულ იქნა, ხოლო ადგილი სანიტარულად დამუშავდა.

პირველად აფრიკული ღორის ჭირი დაფიქსირდა სამხრეთ აფრიკაში 1903 წელს. დაავადება ემართებათ შინაურ და გარეულ ღორებს. ადამიანისთვის აფრიკული ჭირის ვირუსი არ წარმოადგენს საშიშროებას, მაგრამ ის დიდ ზიანს აყენებს ეკონომიკას.