"სცნათ ჭეშმარიტი და ჭეშმარიტებამან
განგათავისუფლნეს თქუენ" (ინ.8.32)

ადამიანი ღვთისაგან შექმნილი არსებაა და, ბუნებრივია, სულით ისწრაფვის ერთადერთი ჭეშმარიტი ღმერთის შემეცნებისაკენ. თუმცა ზოგ ადამიანში, ისევ და ისევ საკუთარ ცოდვათა გამო, ლტოლვა უზენაესისადმი, სურვილი უფალთან მიახლებისა, ქვეცნობიერის ფარგლებს ვერ სცილდება და მისი ცნობიერება მხოლოდ და მხოლოდ მიწიერით ამოიწურება, იგი ვერ იხედება ამქვეყნიურ სიკეთეთა მიღმა. არსებობენ ისეთნიც, რომელთა ცხოვრება მარტოოდენ ძიებაა ჭეშმარიტებისა, რამეთუ მათ ცოდვით დაბნელებულ გონებას არ ძალუძს ერთმანეთისგან განარჩიოს ჭეშმარიტი და მცდარი. ამის უნარს ხომ სულისწმინდის მადლი გვანიჭებს, რომელიც მხოლოდ თავმდაბალ ადამიანში დაივანებს და წარუძღვება უფლისაკენ მიმავალ გზაზე. ხოლო თუ ადამიანი ღვთის შეწევნით, ამპარტავნების დაძლევით, არ შეეცდება მოიპოვოს მადლი სულისა წმინდისა და საკუთარ ადამიანურ "შესაძლებლობებს” მინდობილი დაიწყებს ჭეშმარიტების ძიებას, ვერ ჰპოვებს მას. გავიხსენოთ უფლის მოციქულნი, ისინი ხომ თავიანთი თავმდაბლობითა და ერთგულებით გამოარჩია მაცხოვარმა.

ადრე თუ გვიან თითოეული ჩვენგანი გავა ამ ქვეყნიდან და წარდგება უფლის წინაშე, ღმერთი კი მართმსაჯულია. ამიტომ უნდა ვეცადოთ ქრისტიანული ცხოვრებით სული განვიწმინდოთ და ისე შევხვდეთ საკუთარ აღსასრულს. თუ ქრისტიანული მოძღვრების მიხედვით არ განვლევთ წუთისოფელს, მაშინ, როგორც წმიდა მამები ამბობენ, ჩვენ კი არ ვიცხოვრებთ-ვიარსებებთ.

ურბნისისა და რუისის მიტროპოლიტი იობი

მიტროპოლიტ იობის ქადაგებები სახელითა მამისათა და ძისათა და სულისა წმიდისათა !  ჩვენთან არს ღმერთი !  ჩვენ ვხედავთ, რომ მაცხოვრის ყველა სასწაული ძალზე დიდია და რთულადაღსაქმელი ჩვენი ცნობიერებისათვის. სამყარო სავსეა საიდუმლოებებით და ამსაიდუმლოებებს უფალი უცხადებს თავის რჩეულთ. სახარების წაკითხვისას, როდესაც იესო ქრისტეს ფერისცვალების შესახებვისმენთ, თითქოს ძალზედ მარტივად და ცხადად არის აღწერილი უფლისფერისცვალება, მაგრამ მისი დიდებულების ბოლომდე შეცნობა მიუწვდომელიაადამიანისათვის.

ამონარიდი მიტროპოლიტ იობის ქადაგებებიდან ჩვენს დედა ეკლესიას საკუთარ დედაზე მეტად უნდა ვუფრთხილდებოდეთ დავიყოთ მინდობილნი მასზე, რამეთუ მხოლოდ ეკლესიური ცხოვრებით განიდევნებასატანა და ლოცვითა და მარხვით ითრგუნება ის უხილავი ბოროტი ძალა, რომელიცჩვენს წინააღმდეგაა მომართული. ღვთის მადლი და წყალობაა მართალ ადამიანზე, ხოლო ვინც ცრუობს, ის ეშმაკსემსახურება და ემორჩილება. რანაირ მდგომარეობაშიც არ უნდა აღმოვჩნდეთ,ყოველთვის სიმართლე უნდა ვთქვათ, რამეთუ გზანი მართლისანი უფლისა წინაშეწარმართებულ არიან.