საიტი Sochi.com, www. BlogSochi.ru-ზე დაყრდნობით წერს, რომ 2014 წლის ზამთრის ოლიმპიადა ჩატარდება არა სოჭში, არამედ ზალცბურგში.

განცხადების ავტორად საერთაშორისო ოლიმპიური კომიტეტის პრეზიდენტი ჟაკ როგე სახელდება, რომლის თქმითაც, საინფორმაციო კომიტეტის გადაწყვეტილებას საფუძვლად უდევს ქალაქ სოჭისადმი სახელმწიფო კომპანიების „ოლიმპსტროისა" და სააქციო საზოგადოება „რჟდ"-ს დაუდევარი დამოკიდებულება.

კერძოდ, Sochi.com-ის ცნობით, როგემ განაცხადა, რომ საერთაშორისო ოლიმპიურმა კომიტეტმა არაერთხელ მიმართა რუსეთის ხელისუფლებას, აღკვეთოს საკურორტო ქალაქში ეკოლოგიური ნორმების დარღვევის ფაქტები. სახელმწიფო მედია კი კომიტეტის განცხადებებს დანაწევრებულად აქვეყნებდა, რითაც რუსულმა მხარემ საერთაშორისო ორგანიზაციაში ნდობა დაკარგა.

როგეს თქმითვე, კომიტეტი უკმაყოფილოა იმით, რომ სოჭის ოლიმპიური ობიექტების მშენებლობის გამო მოქალაქეების გამოსახლება ხდება, რის გამო სოჭის ოლიმპიადა ქალაქის მაცხოვრებელთათვის უბედურებად იქცა.

„ჩვენ არ შეგვიძლია შევეგუოთ იმას, რომ ოლიმპიური თამაშების გამო სოჭში ირღვეოდეს ადამიანების კონსტიტუციური უფლებები. ამიტომ, ჩვენ ოფიციალურად ვაცხადებთ, რომ ოლიმპიური თამაშები სოჭში აღარ ჩატარდება. ისინი ავსტრიის ქალაქ ზალცბურგში გაიმართება," - ციტირებს ჟაკ როგეს Sochi.com.

Internet.ge