ამლაყი იხვი გავრცელებულია ევროპაში, აზიასა და ჩ. – დ. აფრიკაში.
საქართველოს ფარგლებში ამლაყი იხვი მოიპოვება მრავალ ადგილას. აღმოსავლეთ საქართველოს ფარგლებისათვის იგი ცნობილია როგორც მობუდარი ფორმა, ხოლო დასავლეთ საქართველოსათვის – როგორც მოზამთრე. ამასთან ი. ჩხიკვიშვილის (1951) გადმოცემით ამლაყი იხვი დასავლეთ საქართველოში შესაძლებელია იყოს მობუდარი.
ამლაყი იხვი ბინადრობს მლაშე წყალსატევების მიდამოებში, მეტწილად ირჩევს ისეთ ადგილებს, სადაც მოიპოვება ქვიშნარი ბორცვები, რომლებშიც ადვილად თხრის სოროს. მდინარეთა სანაპიროებზე გვხდება მიმოფრენის პერიოდში. ბუდეს იკეთებს სოროში, რომელსაც თვითონვე თხრის, ზოგ შემთხვევაში კი უშუალოდ მიწაზე. მაისში დებს 9 – 12 კვერცხს. კრუხობის ხანგრძლივობა აღწევს 29 დღემდე. კრუხობის პერიოდში მამალი იმყოფება ბუდის მახლობლად. ძირითად საკვებს შეადგენენ კიბოსნაირები, მწერები და მათი მატლები, ლოკოკინები; ჭამს აგრეთვე მცენარეთა თესლებს, ნორჩ ყლორტებსა და კვირტებს.
ამლაყი იხვი წარმოადგენს სპორტული ნადირობის ობიექტს. სარეწაო ღირებულება უმნიშვნელოა, საერთო რაოდენობის სიმცირის გამო. მე ♥ bazieri.ge დათო_მონადირე
ამ სახეობის ამლაყი იხვი ბინადრობს ჩრდილო ავსტრალიაში და ახალ გვინეაში Пеганки-раджи (Tadorna radjah)
---------------------------------------------
ამლაყი იხვის მესამე სახეობა. ითვლება გადაშენებულად, რადგან აღარავის შეხვედრია. ბინადრობდა კორეაში, ჩინეთში და იაპონიაში. Хохлатая пеганка (Tadorna cristata)
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
