giohunt1982, გიო ჩაქირა გინდა? ვიშოვით

მოგესალმებით აჭარიდან მეკვერნე ძაღლის ბედით დაინტერესებულ ყველა მონადირეს.

საჭიროდ მივიჩნიეთ გამოგხმაურებოდით "ლაზისტანი 2013" ექსპედიციასთან დაკავშირებით,ვინაიდან ამ ეტაპზე მსგავსი ექსპედიცია ნაადრევად მიგვაჩნია შემდეგი მიზეზების გამო:

1) ჩვენი მეზობელი ქვეყნის ინტერნეტ საიტებზე გავრცელებული ინფორმაციით მათ აქვთ სურვილი ამ ჯიშის თავად დარეგისტრირებისა და თუ ჩვენი თანამემამულები შეეცდებიან ექსპედიციის მსგავსი რამით ინფორმაციის მოპოვებას ეს შესაძლოა გამოიწვევს არასასურველ რეაქციას,რასაც შესაძლოა მოყვეს გარკვეული საკონტროლო ზომები.....რაც არ არის სასურველი.
2) გარდა ამისა ამ ჯიშის ძაღლი იმდენად მცირერიცხოვანია მეზობელ ქვეყანაში,რომ ძალიან რთული არის რაიმე ინფორმაციის მოპოვება ჩვენი თანამემამულეებისთვის,ასევე სირთულეს წარმოადგენს შესაფერისი ექსტერიერის ძაღლის შეძენაც,ვინაიდან ნაკლებად სავარაუდოა,რომ ქვეყანაში სადაც მიმდინარეობს ჯიშის დარეგისტრირებასთან დაკავშირებული პროცესი მოხდეს ძაღლის გასხვისება სხვა ქვეყნის მოქალაქეზე. ამიტომ ამ ეტაპზე ალტერნატივად ვიყენებთ ჩვენ მიერ არსებულ კონტაქტებს ძაღლების შესაჯვარებლად და არა შესაძენად.
3) ჩვენი თანამემამულებისთვის,ვინც არ არის ამ თემასთან გაცნობიერებული მოგახსენებთ,რომ მცდარია ის მოსაზრება ვითომდა ეს ძაღლი მხოლოდ გურიაში იყო გავრცელებული და რომ ის სრულად გადაშენებულია,აჭარის მაღალმთიან სოფლებში დღესაც არის შემორჩენილი კარგი ექსტერიერის ეგზემპლარები,რომლებიც სათანადოდ გვყავს აღრიცხული ფოტო მასალასთან ერთად,რასაც თან ერთვის ას წელს მიღწეული მონადირეების კომენტარები.გარდა ამისა ამ საქმით დაინტერესებული პირები 5 წელზე მეტია ვაწარმოებთ სათანადო გამრავლება-სელექციას,რის შედეგადაც მიღებული გვაქვს სასურველი შედეგი.
ვეცდებით რამოდენიმე ეგზემპლარი წარმოვადგინოთ თბილისის სანადირო ძაღლის 2013 წლის საზაფხულო გამოფენაზე.
4) უპირველეს ყოვლისა მინიმუმ ერთ წელიწადში უნდა მოვახერხოთ საკმარისი რაოდენობის ეგზემპლარების შერჩევა და ჯიშის დარეგისტრირება საქართველოში.მხოლოდ ამის შემდეგ მიგვაჩნია მიზანშეწონილად ექსპედიციის მოწყობა მეზობელ ქვეყანაში,სადაც არავითარ შემთხვევაში არ უნდა იქნას გაჟღერებული ის აზრი,რომ ჩვენში ეს ჯიში საკმაოდ მცირედ არის შემორჩენილი.ვინაიდან პრეტენზიების შემთხვევაში უნდა შეგვეძლოს დასაბუთება იმისა,რომ ჯიში არსებობს და დარეგისტრირებულია საქართველოში.
5) შევეცადოთ ნაკლებათ მოვიხსენიოთ "მეკვერნე ძაღლი-ანუ ქართული მყეფარა", ჩაქირად,ვინაიდან ეს სიტყვა არ არის ქართული წარმოშობის და ამ სახელით აჭარაშიც ნაკლებად ცნობილია,ჩვენში მას 'მეკვერნიას" ეძახიან.ჩაქირა კი ჩვენი მეზობელი ქვეყნის ლექსიკონიდან აღებული სიტყვის დამახინჯებული ფორმაა,და თუ როგორ წარმოითქმება ეს სიტყვა გამართულად საჭიროების შემთხვევაში მაგასაც მოგახსენებთ.გარდა ამისა ამ სიტყვამ შესაძლოა სადავო გახადოს ჯიშის წარმოშობის საკითხი.

პოსტსკიპტუმ

ვინაიდან ზემოდ აღნიშნული საკითხები საკმაოდ სენსიტიურია ნუ გაგიკვირდებათ ინფორმაციის მცირეოდენი კონსპირირება.

ბათუმელმა მგონია იცის რასაც ამბობს და მცირე ინფორმაციაც იმედია იმის გამო გაჟღერდა რომ არ არის სასურველი რომ ეს ამბავი ჩვენი ქვეყნის საზღვრებს გარეთ გავიდეს.

ცნობისთვის აღმოსავლეთევროპული ნაგაზიც სისხლის აღრევით შექმნეს რუსებმა,

ჩემი აზრით 74 მილიონიანი თურქეთი დიდად არ იწუხებს ამ ჯიშზე თავს თორემ ამდენხანს მისი რეგისტრაცია რა პრობლემა იქნებოდა,ეტყობა ჩაქირა არის ისეთი ხასიათის რომ ყველას ეზარება მისი აყვანა და ალბათ იმდენად უნივერსალურიც არ არის რომ მისი დეფექტური ხასიათის გაძლება ღირდეს მისი გულისთვის.თუკი მაინც რამე გვინდა აქედან გამოვიდეს, ამ საქმეს დამალვა კი არა რეკლამა და ქვეყნის და მსოფლიოს გასაგონად ბევრი საუბარი უნდა.