სამონადირეო მეურნეობა "დალის მთა" მდებარეობს ქალაქ დედოფლისწყაროდან 26 კმ-ზე სამხრეთ-დასავლეთით, მდინარე იორის მარჯვენა სანაპიროზე, დალის წყალსაცავის მიმდებარე ტერიტორიაზე. სამონადირეო მეურნეობა "დალის მთის" ტერიტორია მდიდარია, როგორც სანადირო ასევე არასანადირო სახეობებით. აქ გავრცელებულია ამფიბიების სამი, ქვეწარმავლების ოცდათერთმეტი, ძუძუმწოვრების ოცდახუთი სახეობა. განსაკუთრებული მრავალფეროვნებით გამოირჩევა ფრინველები, ას ოცდათორმეტი სახეობა. "დალის მთის" ტერიტორიაზე გავრცელებული სანადირო სახეობებიდან აღსანიშნავია: ძუძუმწოვრები: ენოტი, ნუტრია, ენოტისებური ძაღლი, გარეული ღორი, ტურა, მელა, მგელი, კურდღელი. ფრინველები: კაკაბი, ხოხობი, რუხი ბატი, თეთრშუბლა იხვი, რუხი იხვი, ჭიკვარა, გარეული იხვი, კუდსადგისა იხვი, იხვინჯა, ფართოცხვირა იხვი, მწყერი, მელოტა, წყლის ქათამი, ჩიბუხელა, ჩიბუხა, ტყის ქათამი, ქედანი, გულიომ ჩვეულებრივი გვრიტი. სამონადირეო მეურნეობა `დალის მთა~ მდებარეობს დალის წყალსაცავის სანაპიროზე, რომელშიც ყოველწლიურად 100 000-ობით ლიფსიტას უშვებენ. თეთრი ამური, ჭანარი, კობრი, სქელშუბლა, გოჭა, ხრამული, ლეშა, შამაია, ლოქო, ამ სახეობებზე თევზაობენ ამ წყალსაცავზე. აქამდე დაუჭერიათ დალის წყალსაცავში დიდი ზომის თევზები: თეთრი ამური 6 კგ, ჭანარი 9 კგ, ლოქო 17 კგ. გოჭა 20,5 კგ.
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
gogita12 გავიხსენოთ "ბაზიერის" პირველი ტურნირი ❤ 
