გარემოს დაცვის სამინისტროს რადიაციული უსაფრთხოების სპეციალისტებმა იაპონიიდან შემოყვანილ ავტომანქანებზე უახლესი ტიპის დეტექტორებით რადიაციული ფონი შეამოწმეს და მოსახლეობას ქვეყანაში არსებული რადიაციული ფონის შესახებ ინფორმაცია მიაწოდეს.
იაპონიაში განვითარებული მოვლენების და ფუკუსიმას რეაქტორზე მომხდარი აფეთქბის შემდეგ საზოგადოებაში გავრცელებულია აზრი, რომ შესაძლოა საქართველოში იმპორტირებულ ავტომანქანებზე იყოს მომატებული რადიაცია.

„ეს იყო დამატებით კიდევ ერთი შემოწმება მოსახლეობის ინტერესის გათვალისწინებით. ჩვენ გავზომეთ ჰაერის დაბინძურების დონე, გამა გამოსხივება და რადიაციული ფონი, რომელიც ნორმის ფარგლებშია და უსაფრთხოა ადამიანის ჯანმრთელობისთვის," განაცხადა გარემოს დაცვის სამინისროს გარემოს დაბინძურების მონიტორინგის დეპარტამენტის უფროსმა მარინა არაბიძემ.

საქართველო არის რეგიონის ცენტრი, საიდანაც მარაგდება მთელი შუა აზიის ქვეყნები ავტომანქანებით. საექსპორტო მანქანების ძირითადი ნაწილი კი სწორედ იაპონიიდან შემოდის, რის გამოც საქართველოში გამკაცრებულია იმ ტვირთების რადიაციული ფონის კონტროლი, რომლებიც ქვეყანაში საჰაერო და საზღვაო გზით შემოდის იაპონიიდან. ასევე, განსაკუთრებულ რეჟიმში ხდება გარემოს ეროვნული სააგენტოს სპეციალისტების მიერ ჰაერის დაბინძურების ხარისხის მონიტორინგი. ამ ეტაპზე, საქართველოში არ დაფიქსირებულა იაპონიიდან შემოსული ავტომანქანა, რომელზეც მომატებული იყო რადიაციული ფონი.

საქართველოს ტერიტორიაზე არსებულ 13 მეტეოსადგურს აქვს სპეციალური ხელსაწყოები, რომელთა მეშვეობითაც ყოველდღიურად ხორციელდება ჰაერში გამა გამოსხივების დონის გაზომვა. გარემოს დაცვის სამინისტროს ეროვნული საგენტოს სპეციალისტები რადიაციული ფონის და ჰაერის დანინძურების ხარისხის რეგულარულ შემოწმებას მომავალშიც გააგრძელებენ.

moe.gov.ge-ს მასალებიდან