მთავარი » 2015 » აპრილი » 26 » პატრონს ძაღლი სახელმწიფომ მოუკლა, რის შემდეგაც მან თვითმკვლელობით დაასრულა სიცოცხლე
14:59:34
პატრონს ძაღლი სახელმწიფომ მოუკლა, რის შემდეგაც მან თვითმკვლელობით დაასრულა სიცოცხლე
ტრაგიკული ამბავი მოხდა დანიაში, სადაც მამაკაცმა თვითმკვლელობით დაასრულა სიცოცხლე მას შემდეგ, რაც ხელისუფლებამ პიტბულის ჯიშის ძაღლი ჩამოართვა და ძაღლს ევთანაზია (სამუდამო დაძინება) გაუკეთა.
მიზეზი დანიაში ამ ჯიშის ძაღლების აკრძალვაა. ძაღლს არაფერი დაუშავებია. "დანაშაული" მხოლოდ მისი არსებობა იყო იმ ქვეყანაში, სადაც ეს ძაღლები აგრესიული ჯიშის რიგებში არიან შეყვანილნი.
ძაღლს ერქვა ზანტო, რომელიც ეკუთვნოდა 27 წლის მამაკაცს დენისს. პატრონი 8 დღე იბრძოდა იმის დასამტკიცებლად, რომ ამ ჯიშის ძაღლებს ადამიანებისთვის საფრთხე არ მოაქვთ, თუმცა, ამაოდ. უდანაშაულო ზანტო ევთანაზიისთვის სპეციალურ დაწესებულებაში გადაიყვანეს და სიცოცხლეს გამოასალმეს.
დენიმ ვერ გაუძლო იმ ნერვიულობას, რაც თავისი ძაღლის დაკარგვამ გამოიწვია და ჭარბი რაოდენობის მედიკამენტების მიღებით, სიცოცხლე თვითმკვლელობით დაასრულა.
19 აპრილს Facebook-ის ძაღლების მოყვარულთა გვერდზე დაიწერა შემდეგი ტექსტი:
"ზანტო გამოგლიჯეს დენის ხელიდან, რადგან მისი ჯიშის ძაღლების ყოლა სახელმწიფომ აკრძალა. ზანტოს არაფერი დაუშავებია. ის იყო თბილი, კეთილი, მხიარული ძაღლი. მისი პატრონი 8 დღე ცდილობდა ძაღლის გადარჩენას, მაგრამ ჩვენ ყველამ ვიცით, რომ ის სიმართლეს ვერ დაამტკიცებდა, რადგან კანონის წინაშე უძლური იყო."
2014 წლის ივლისიდან დანიაში ამოქმედდა "აქტი ძაღლებისთვის", რომელიც შეიცავს ქვეყნის ტერიტორიაზე აიკრძალოს შემდეგი ჯიშის ძაღლები:
პიტბული
ტოსა ინუ
ფილა ბრაზილეირო
არგენტინული დოგი
ამერიკული ბულდოგი
ბურბული
კანგალი
ტორნიაკი
შუა აზიური ნაგაზი
სამხრეთ რუსული ნაგაზი
ქართული ნაგაზი
ჩამონათვალიდან, რამდენიმე ჯიშის ძაღლი 1991 წლიდან არის აკრძალული დანიის ტერიტორიაზე.
ეს ტრაგიკული ისტორიაა დენისა და მისი პატრონის შესახებ. ისინი სახელმწიფოში არსებულ დაუნდობელ წესებს შეეწირნენ.
ისე ვერ ვიტყვით რომ პიტბული კაციჭამია ძაღლია. ნუ დაგვავიწყდება რომ ყველაფერი აღზრდაზეა დამოკიდებული, ბევრჯერ მინახავს დრათხარი ნაგაზივით იწევდა კაცსკენ(პატრონმა ეგრე გაზარდა) მეც მყავდა პიტბული მაგრამ არავისთვის არაფერ დაუშავებია და ეხლა როგორია ეგრე გაზრდილ ძაღლს რომ მოგიკლავენ თან რისთვის?! არ გაუმარტლა რომ პიტბულად დაიბადა?! ეს სადიზმია აბა რაარის? კი ბევრია შემთხვევა რომ პატრონი სასიკვდილოდ დაკბინა პიტმა მაგრამ ეს იმას არ ნიშნავს რომ ჯიშე შური იძიო. თან მესმის ამ ძაღლს ვიღაცა დაეკბინა და მერე მიეღოთ ეგეთი გადაწყვეტილება ამ შემთხვევაში არ გავამტყუნებდი მაგრამ სრულიად უწყინარ ძაღლს ესე სადისტურად რომ გაიმეტებ არაა სწორი.
ძალიან ძლიერი სახელმწიფოა,მაგას დაკვირვება სჭირდება რომ მიხვდე,ჟირაფებით რატომ გამოკვებეს ლომები და ამავე ზოოპარკში რატომ მოკლეს ოთხი ახალგაზრდა ლომი,როცა რომ სხვა ბევრი ქვეყნის ზოოპარკს ბებრებიც არ ყავს. ვინ რა უთხრათ და რა დააკლო მაგ ყოველივეს შემდეგ?ერთმა მოიკლა თავი თირემ,იმიტომ მიიღეს ეგ კანონი რომ ბევრი გააუბედურეს მაგ ქვეყანაში მაგ ძაღლებმა.მაგათი დედა ვატირე მაგრამ მაგარი ქვეყანაა.ბედნიერი ვიქნებოდი ჩემი სამშობლოც მასეთი აღორძინებული რომ იყოს.
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
gogita12 გავიხსენოთ "ბაზიერის" პირველი ტურნირი ❤ 
