როგორც პრესა.გე უკვე წერდა, პაპუა-ახალ გვინეაში კანიბალებმა არჩევნები
ჩაშალეს. ხმის მიცემა ორი კვირით იმიტომ გადავადდა, რომ ამომრჩეველი
კაციჭამიების შიშით სახლიდან გარეთ ვეღარ გადიოდა.
ახლა კი ამ კანიბალიზმის ახალი დეტალები გაირკვა, თანაც, პოლიტიკური:
აღმოჩნდა, რომ კაციჭამიებს არჩევნებში მონაწილე ერთ-ერთი ოპოზიციური
პარტიის 7 აგიტატორიც შეუჭამიათ.
ეს არც ფანტაზიაა და არც გაზვიადებული ამბავი. ჯუნგლებში, რომელიც ქალაქ მადანგს ებმის, მკვლელობების მთელი სერია განხორციელდა.
მადანგი, პაპუა-ახალი გვინეის ერთ-ერთი ულამაზესი ადგილია, რომელიც შიდა
რაიონებისგან მთებითაა გამიჯნული. წვიმების დროს ის მოწყვეტილი რჩება
დანარჩენ სამყაროსთან და კაციჭამიების მადაც სწორედ ამ პერიოდში
აქტიურდება. 29 კანიბალი მაშინვე დააკავეს. მათ სრული სიზუსტით აღწერეს,
როგორ მოკლეს და შეჭამეს აგიტატორები.
მაგრამ ეს 29 ადამიანი ახლა გამოძიებას სხვა „თანამოტრაპეზეების"
დადგენაში ეხმარება და ამ დროისთვის, როგორც ირკვევა, სამართალდამცველები
უკვე ასზე მეტ კანიბალს ეძებენ.
ისტორია მართლაც ტრაგიკომიკურია. გამოძიება ამუშავებს ვერსიას, რომ
მკვლელობებს სჩადიან „კარგო-კულტის" მიმდევრები, რომელთაც, მეორენაირად
ე.წ. „თვითმფრინავთთაყვანისმცემლებიც" ჰქვიათ, რამდენადაც, თურმე,
ავიაგადაზიდვებს აღმერთებენ, რაც ასევე მათ რწმენას უკავშირდება და იმდენად
ფანტასტიკად გამოიყურება, რომ ახსნა არც ღირს.
საბოლოოდ დადგინდა, რომ კანიბალების მოტივი იმ ჯადოქრების განადგურება
იყო, რომლებიც ხალხს, ვითომდა მკურნალობაში, ფულს სცინცლავენ. სწორედ ამ
ჯადოქრების რიგებიდან ყოფილან ის აგიტატორებიც, რომლებიც კანიბალებმა
ერთ-ერთი პირველი დააგემოვნეს.
„ჯადოქრობასთან მებრძოლები გაერთიანდნენ და შავი მაგიის მიმდევართა
განადგურება დაიწყეს" - ჰყვება ადგილობრივი პოლიციის კომისარი ტონი
ვაგამბი. მისივე თქმით, კანიბალებს ჯადოქრებზე სულები მიუთითებდნენ, ისინი
კი, მსხევრპლს ბუჩქების საჭრელი დანებით უმკლავდებოდნენ.
არც მეტი, არც ნაკლები, ადგილობრივი დეპუტატი კენ ფერვეზერი კი ამბობს,
რომ პაპუა-ახალი გვინეის მოსახლეობის დიდ ნაწილს, და არა მარტო
ჩამორჩენილს, სჯერა, რომ ჯადოქრობა, - ადგილობრივ ენაზე „პურიპური",
იარაღია, რათა დაწყევლო, მოკლა ან მოწამლო ადამიანი.„თვით ზოგიერთი
ჩვენს პოლიტიკურ ლიდერსაც კი ეშინია „პურიპურის", რომელიც მათში კოშმარებს
იწვევს. ეს ოკეანეთის აბორიგენთა კულტურის ნაწილია" - ამბობს დეპუტატი.
ცოტა ხანში მსოფლიოს ბევრი ხალხი დაემსგავსება ამათ და მერე მართლა დავრწმუნდები რომ ოდესღაც იყო ცივილიზაცია, შემდეგ გადავშენდით, მერე ისევ ამოვიყარეთ გამოქვაბულებიდან და ასე ბრუნავს ერთი და იგივე ნუგომონადირე სასულიერო პირია, რომელსაც გახსნილი აქვს მესამე თვალი, ადრე თუ ერთი ეშმაკი ებრძოდა ეხლა 12 ებრძვის და ცნობადობაც უფრო მეტი აქვს. მე როცა მივედი ეკლესიაში მეც ამეხილა ეს თვალი და უფრო სიღრმისეულად უყურებ თითქოს უმნიშვნელო ამქვეყნიურ ცოდვებს! ბობოქრობს ეშმაკი და ლოცვით, ერთმანეთთან აზრების გაცვლით, თანადგომით და თანააზროვნებით თუ მიიღწევა და გაგრძელდება ის შედეგი, რომელიც წინაპრებმა მოგვიტანეს რის ფასად ღმერთმა უწყის! არ დავემსგავსოთ ამათ! ვისი დროც არ უნდა "მევიდეს" ჩვენ მაინც უნდა დავრჩეთ იმ სიმაღლეზე რომელზეც დაბადებიდან გვამყოფებს მამა-პაპანი სისხლით და ოფლით.
პაპუასები და კანიბალები შეჩვეული არიან ასეთ რამეებს და არაა გასაკვირი. მაგრამ საქართველოში 17-18 წლის ბიჭები რომ გამოდიან და ინტერვიუს აძლევენ: არ არის პრობლემა თუ ქალწულს არ მოვიყვან ცოლად და ქართული სუფრის ტრადიციები გოიმობააო, ეს მართლაც დასაფიქრებელია ძმებო და ცოდვის ნიაღვარი რომ ინთხევა ტელევიზიებიდან და წალეკვით ემუქრება მართლმადიდებლობას და ჩვენს ეროვნულ ღირსებებს აი ეს არის ტრაგედია...
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
levani88 დამატებითი და მისაჩვევი საკვები (თევზაობა) 
რაც კარგია კარგია,გაგიმარჯოთ 
