რათქმაუნდა ქოხი და ხელით გაფრთხიალებული ჩიტი ჯობია , მარყუჟებით დაჭერას არცააქვს ის მუღამი რაც მამაპაპურ ხერხს თან მტაცებლის დაზიანების დიდი შანსია, ეს ვიდეო ოთხკუთხედი ბადის გამო დავდე , ფორუმზე ბევრს აინტერესებდა ოთხკუთხა ბადის დაგება, იგივე იქნება ისიც ოღონდ ოთხივე მხრიდან დაიდგმევა ესეთები
ბოლო ფრაგმენტზე გავამახვილებ ყურადღებას, რომ არის რთული გამოსახსნელი და იმტვრევენ ბუმბულს, სხვა ვიდეოებში გამოხსნაც მაქვს ნანახი. ძუა წაჭერილი ფეხებ დასიებულიც მინახია მტაცებლები თაგვებზე მე მირჩევნია ჩვენი მამა-პაპური ქოხი და ხელით გაფრთხიალებული ღაჟო ან სხვა ჩიტი ჯოხზე!
ლაშა გამარჯობა მე კოკა ვარ მგონი სშენი კომენტარი იყო ციბრუტაზე რო მაგის სშვილი გყავს შეგიდზლია სურათი მანახო მეც მყავს მამალი ლეკვი მაკედან ერტი ცლის და ორი თვის
მთავარი » 2011 » ივლისი » 4 » ახალი რადიოგადაცემა მონადირეთა და მეთევზეთათვის - ”საუბრები კოცონთან”
22:35:23
ახალი რადიოგადაცემა მონადირეთა და მეთევზეთათვის - ”საუბრები კოცონთან”
განვითარებულ და ცივილიზირებულ სამყაროში სპეციალურად ნადირობისათვის ტელეარხებია მიძღვნილი და მიუხედავად იმისა, რომ დღეს საქართველოში ნადირობისადმი ინტერესი დიდია, ხოლო რადიო, ტელევიზია და ჟურნალ-გაზეთები ბევრი, მონადირისათვის ასეთი რამ მაინც მწვავე დეფიციტს წარმოადგენს. განსაკუთრებით უძნელდება მონადირეს უსეზონობის დროს (ეს კი თითქმის 6 თვე გრძელდება) იმ ჟინის დაოკება, რომელიც ასე მძლავრადაა მასში. ამ თითქმის ცარიელ ნიშას შევსება სჭირდება და დარწმუნებული ვარ, ამ ფონზე ყველა ჩვენთაგანისათვის განსაკუთრებით სასურველი და სასიხარულოა რადიოგადაცემის შექმნა, რაშიც ხელი შეგვიწყო რადიოპალიტრის დირექციამ.
მონადირეებო! გახარებთ! 7 ივლისიდან, ყოველ ხუთშაბათს, 20 საათზე რადიოპლიტრა FM 103,9-ზე პირდაპირ ეთერში გავა ახალი რადიოგადაცემა ”საუბრები კოცონთან”, რომელსაც ჩვენი საიტის წევრი ბექა ყურაშვილი (BERG) წაიყვანს!
გადაცემა ეხება ნადირობას, თევზაობას, ბუნებაში აქტიურ დასვენებას, მოგზაურობას (ლაშქრობა, ექსპედიცია), ეკოლოგიას, ფლორასა და ფაუნას, სამონადირეო კანონმდებლობასა და ნადირფრინველს, ბაზიერობას, კინოლოგიას, სანადირო იარაღსა და ა.შ.
სასაუბროდ შეირჩევიან და მოწვეული იქნებიან სტუმრები: ბიოლოგები, ნადირობათმცოდნეები, სანადირო მეურნეობების მფლობელები, გარემოს დაცვის სამინისტროს წარმომადგენლები, ექსპერტ-კინოლოგები, ბაზიერები, ვეტერინარები, იარაღის ექსპერტები, ცნობილი მონადირეები, მონადირეთა და მეთევზეთა კლუბის წევრები. სტუმრის მოწვევა განპირობებული იქნება გადაცემის მთავარი თემით. პერიოდულად გადაცემაში მოხდება ორი დაპირისპირებული აზრის შეხვედრა. მაგ: წარმომადგენელი ცხოველთა დაცვის საზოგადოებიდან და გამოცდილი მონადირე, ან ბიოლოგი.
გადაცემა სტუმართან სუბრისას შეეხება აგრეთვე ახალ ამბებსაც (სტატისტიკა, ფაქტები მსოფლიოს მასშტაბით), ნადირობის ისტორიას, კულტურასა და ტრადიციებს, განვითარებასა და დღევანდელობას.
მსმენელს შესაძლებლობა ექნება აგრეთვე სატელეფონო კავშირის მეშვეობით ჩაერთოს პოლემიკაში, დააფიქსიროს თავისი აზრი ამა თუ იმ საკითხთან დაკავშირებით, დასვას შეკითხვები. მომავალში აგრეთვე იგეგმება მსმენელთა ვიქტორინაში მონაწილეობა, გამარჯვებული დაჯილდოვდება სამახსოვრო პრიზით.
გადაცემის ძირითადი თემა ნადირობა იქნება, მაგრამ იგი გვერდს ვერ აუქცევს ისეთ ეკოლოგიურ საკითხებს, როგორიცაა გლობალური დათბობა, შემცირებული მტკნარი წყლის მარაგი, გადაშენების პირას მყოფი ცხოველთა სამყაროს სახეობების გადარჩენა, უზომოდ გამრავლებული მტაცებლების რაოდენობის შემცირების აუცილებლობა და ა.შ. საჭიროა ბუნებრივი რესურსების სწორი, რაციონალური გამოყენება და ამ მიზნის მისაღწევად ქვეყანაში ეროვნული პარკებისა და ნაკრძალების შექმნა, სამონადირეო მეურნეობისა და სამონადირეო ტურიზმის განვითარება ერთადერთი მართებული გამოსავალია.
”საუბრები კოცონთან” - ეს იქნება გადაცემა ნამდვილი მამაკაცებისათვის! ნადირობა ხომ მამაკაცის უძველესი პროფესიაა!
და რაც მთავარია, რადიოგადაცემა გავა ინტერნეტტელევიზიითაც, მის ყურებას პირდაპირ ეთერში თქვენ შეძლებთ პალიტრამედიის ერთერთ საიტზე www.palitratv.ge.
მონადირეებო! მეთევზეებო! ბაზიერებო! ბუნებისმოყვარულნო! გილოცავთ ამ წინგადადგმულ ნაბიჯს და გემუდარებით, მოსდეთ მთელ ქვეყანას ეს ამბავი, თქვენს აქტიურობაზე, იმაზე, თუ რამდენად პოპულარულსა და რეიტინგულს გავხდით ამ გადაცემას, იქნება დამოლიდებული მისი სატელევიზიო გადაცემად გადაქცევის საკითხი!
ბექა ყველაფერმა კარგად ცჰაიარა ჯიგარო, თავიდან ცოტა აღელვდი მაგრამ მერე მშვენივრად წავიდა ყველაფერი. მეც ცოტა დავიბენი ეთერში მაგრამ იმედია მაპატიებთ ყველანიიიიიი. კაკაბიო რომ გავიგე სულ გადავირიეეეეეე, მერე სტუმარმა რომ დაიწყო კაკანი კაკაბივით იმაზე ხომ სულ ავენთე. იმედია აწი სულ ეთერის სტუმრები ვიქნებით "ბაზიერლები". ყურებით მეც ვერ უყურე ამ ფლეშ პლეერმა ხომ გამაგიჯა რააა. კიდევ ერთხელ მადლობა იმ ხალხს ვინც ამ კეთილ საქმეში მონაწილეობა მიიღო, გოგი ბატონსაც და პალიტრასაცცც
ყველა მონადირეს ვულოცავ, ბრწყინვალე ნაბიჯია გადადგმული უკეთესი მომავლისკენ,ფრიად სასიხარულო ამბავია , ორგანიზატორებს კი დიდი მადლობა ,ვუსურვებ ამაზე არ შეჩერებულიყვნენ და უკეთესი და უფრო მასშტაბური საქმეები განეხორციელებინოთ, დიდი მადლობა, გაიხარეთ
ყველას მინდა მოგილოცოთ ეს ფაქტი, რომელიც "მონადირე"-ს- ზურა მიქაიას ხელშეწყობით და "ბლატით"გაკეთდა იმედია,უფრო დიდ პროექტში გადაიზრდება ადრე თუ გვიან. მინდა ხაზი გავუსვა:FM 103.9 მოკლე ტალღაა და თბილისის გარეთ არ იჭერს, მაგრამ დანარჩენ საქართველოში შეგიძლიათ ინტერნეტის საშუალებით www.palitratv.ge-ზე მოისმინოთ და ნახოთ კიდეც.
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
Grigala სათაური: მტაცებელი ფრინველების დაჭერა 
მე მირჩევნია ჩვენი მამა-პაპური ქოხი და ხელით გაფრთხიალებული ღაჟო ან სხვა ჩიტი ჯოხზე! 
